Parlament traffikinqə qarşı mübarizəyə dair hesabatı qəbul edib

  Cümə günü Milli Məclisin iclasında daxili işlər nazirinin müavini, traffikinqə qarşı mübarizə üzrə milli koordinator Vilayət Eyvazovun hesabatı dinlənilib.

Onun sözlərinə görə, 2013-cü ildə insan alveri ilə bağlı 518 hadisə qeydə alınıb, 385 cinayət işi qaldırılıb. Cinayətin bu növü ilə məşğul olan 5 mütəşəkkil cinayətkar qrup və 152 cinayətkar dəstə zərərsizləşdirilib. Traffikinq qurbanı olmuş 529 nəfər sosial reabilitasiyaya göndərilib.

Ümumilikdə, 2004-cü ildə qəbul olunmuş traffikinqə qarşı mübarizəyə dair milli planının ikinci mərhələsi   ötən il başa çatıb.

Müzakirələr zamanı parlamentin spikeri Oqtay Əsədov çıxış üçün yazılan 14 deputata söz verməyib. Bunun əvəzində Çingiz Qənizadənin məsləhəti ilə Elmira Axundovaya söz verib. E.Axundova qeyd edib ki, bir çox ticarət və kommersiya obyektlərində uşaq əməyindən istifadə olunur ki, bu da qanunsuzdur. Belə ki, həmin obyektlər tanınmış adamlara məxsusdur, bu mövzu ilə bağlı çoxsaylı danışıqlar nəticə vermir, odur ki, başqa tədbirlər görmək lazımdır.

Sonra 13 deputatın problemlə bağlı çıxış etmək üçün onlara söz verilməsi tələbinə baxmayaraq, hesabat səsverməyə çıxarılıb və qəbul edilib.-07В-