Türkiyənin baş naziri Rəcəb Tayyip Ərdoğan seçkilərdən sonra ilk səfərini Azərbaycana edib. Türkiyə mediasının məlumatına görə, baş nazir Bakıya yola düşməzdən öncə Ankara hava limanında Türkiyə xalqının AKP-ni dəstəkləməsindən məmnunluğunu bildirib. Onun fikrincə, bu seçkilərdən təkcə Türkiyə deyil, bütövlükdə region qazanıb.
Baş nazir Azərbaycana səfəri ilə bağlı deyib ki, bu səfər vasitəsi ilə Türkiyənin Azərbaycana verdiyi önəmi dünyada nümayiş etdirir.
Ərdoğan prezident İlham Əliyevlə ikitərəfli əməkdaşlığın gələcək perspektivlərini, regional və beynəlxalq problemləri müzakirə edəcəyini deyib: “Türkiyə-Azərbaycan əlaqələri müstəsnadır və hamıya nümunə olacaq səviyyədədir”.
Baş nazir Türkiyənin Cənubi Qafqaz bölgəsində sülhün əldə olunmasına çalışdığını bildirib: “Azərbaycan prezidenti ilə görüşümdə Dağlıq Qarabağ münaqişəsinin Azərbaycanın ərazi bütövlüyü və suverenliyi çərçivəsində həlli ilə bağlı fikir mübadiləsi aparacağıq”.
Ərdoğan Gürcüstanın da iştirakı ilə iki dövlətin Cənubi Qafqazda uğurlu layihələr həyata keçirdiyini bildirib. “Bakı-Tbilisi-Ceyhan, Bakı-Tbilisi-Qars qlobal layihələrdir. Azərbaycan qazının Türkiyə və Avropaya daşınması üçün TANAP layihəsinin və Bakı-Tbilisi-Qars dəmir yolunun tiikintisinin tezliklə başa çatması üçün işlər davam etdirilir”, - o vurğulayıb. -03D-
Siyasət
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
Rəy yaz