Мехман Гусейнов
Bakı/02.08.18/Turan: Penitensiar Xidmət həbs cəzası çəkən bloger Mehman Hüseynova ağır xəstə olan anası ilə görüş verilməsi xahişi yer alan müraciətə inkar cavabı verib. Bu barədə vəkil Şəhla Hümbətova öz Facebook səhifəsində yazıb.
Penitensiar Xidmət öz imtinasını Hüseynovun "islah xarakterli tədbirlərdə iştirakdan yayınması" ilə əsaslandırıb. Xüsusən, o, cəzaçəkmə müəssisəsinin "ictimai həyatında", "mədəni-kütləvi tədbirlərdə", "abadlıq işlərində" iştirak etməyib.
Bundan başqa, o, yaxşılaşdırılmış saxlanma şəraitinə köçürülməyib və onun barəsində digər həvəsləndirici addımlar atılmayıb. Bunu nəzərə alaraq, Penitensiar Xidmət ona məzuniyyət verməyi məqsədəuyğun görməyib, deyə cavabda bildirilir.
* Bloger və Reportyorların Azadlıq və Təhlükəsizlik İnstitutunun rəhbəri Mehman Hüseyov 2017-ci il martın 3-də Nəsimi rayon polis rəisi Musa Musayevə böhtan atmaq ittihamı ilə 2 il müddətinə azadlıqdan məhrum edilib. İddia üçün Hüseynovun polisdə işgəncələrə məruz qalması haqqında bəyanatları bəhanə olub.
Hüseynov yüksək vəzifəli məmurlar və parlamentin deputatları arasında korrupsiya faktları haqqında bir sıra videoreportaj yaydıqdan sonra həbs edilib.
Beynəlxalq təşkilatlar M.Hüseynovun həbsini kəskin şəkildə tənqid ediblər və onun azad edilməsini tələb ediblər. -03B06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz