Bakı/29.06.18/Turan: İyulun 1-dən Qida Təhlükəsizliyi Agentliyi (QTA) prezidentin fərmanına uyğun olaraq tam fəaliyyətə keçir və ərzaq istehsalının bütün mərhələlərinə və istehlakçıların hüquqlarının müdafiəsinə nəzarət üzrə tədbirlərə başlayır. QTA rəhbəri Qoşqar Təhməzli bugünkü mətbuat konfrasında bildirib ki, yeyinti məhsulları istehsalı sahəsində təsərrüfat subyektlərinin monitorinqi nəzərdə tutulub.
Bu sahədə fəaliyyət göstərən sahibkarlıq subyektlərinin qeydiyyatı aparılacaq. Sonra bu subyektlər ərizələr və digər sənədlər təqdim olunduqdan sonra ASAN xidmətdə qeydiyyata alınacaqlar.
Bundan əlavə, ölkə ərazisində müəssisələrə verilən gigiyenik sertifikatları iyulun 1-dən ləğv edilir.
"Xaricdən daxil olan mallar, eləcə də yerli istehsallı məhsullar QTA-da qeydiyyatdan keçəcək və təhlükəsizlik sertifikatı alacaq. Bu, sözügedən sahədə beynəlxalq konvensiyaya uyğundur",- Q.Təhməzli bildirib.
Xatırladaq ki, QTA 2017-ci ilin fevralında yaradılıb. Qurum ərzaq məhsullarının təhlükəsizliyinin tənzimlənməsinin (sanitar normaların və qaydaların hazırlanması və təsdiqlənməsi), risklərin təhlili, gigiyenik sertifikatlaşdırma, xarici ölkələrə ixrac edilən məhsullara keyfiyyət sertifikatlarının verilməsinin təmin edilməsi ilə məşğul olur.
Qurumun formalaşdırılmasına və əməkdaşların qəbuluna, normativ sənədlərin və təlimatların hazırlanmasına bir ildən çox vaxt gedib. Bu müddətdə QTA-da kənd təsərrüfatı məhsulları sahəsində ekspertlər hazırlanıb. "Ərzaq məhsulları və yem təhlükəsizliyinə nəzarət sahəsində institusional potensialın möhkəmləndirilməsi" layihəsi çərçivəsində "Ərzaq zəncirinə nəzarət", "İddiaların idarə edilməsi", "Sertifikatlaşdırma və nəzarət", "Komunikasiya və informaiya texnologiyaları" mövzularında treninqlər keçirilib. Məşğələləri Avropa İttifaqının mütəxəssisləri keçiriblər.-0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz