Bakı/29.06.18/Turan: Azərbaycan Tibb Universitetinin (ATU) rezidentura mərhələsində təhsil almaq istəyən və artıq birinci imtahanı vermiş bu mərhələdəki rezidentliyə namizədlər iyunun 29-da Səhiyyə Nazirliyi önündə etirazlarını ifadə ediblər.
Rezidentliyə namizədlərin etirazına səbəb rezidenturada qəbul yerləri sayının azaldılması olub.
"İlk imtahanı aprelin 21-də vermişik, o zaman rezidentura mərhələsində qəbul sayı barədə bizə heç nə deyilməyib, iyulun 8-də veriləcək ikinci imtahan ərəfəsində yerlərin azaldıldığını deyiblər".
Namizədlərin deməsinə görə, 2016-cı yerdə rezidenturaya qəbul sayı 538 nəfər olub, 2017-ci ildə bu 504 nəfər təşkil edib, 2018-ci ildə isə bu rəqəm 504 nəfərdən kəskin azaldılaraq 332 nəfərə endirilib.
Rezidentliyə namizədlər bunun nə ilə bağlı olduğunu bilmirlər, öz təxminlərini bəyan edirlər: "Belə ki, xarici tələbələr 4000 manat ödəyərək hər hansı imtahan vermədən rezidentura mərhələsinə keçə bilirlər və təxmin edirlər ki, azaldılmanın səbəblərindən biri bu ola bilər. Amma istənilən halda namizədlərə bu barədə deyilməsini məqbul saymırlar".
Digər tərəfdən, rezidentliyə namizədlər bunun səbəbini öyrənməyə çalışırlar.
ATU-nun rezidentura şöbəsinin müdiri Rizvan Məmmədov nazirliyə gələrək namizədlərin önünə çıxaraq deyib: "Biz də sizin tərəfinizdəyik, ərizə yazıb gəlin, təmsilçilərinizlə bu məsələni müzakirə edək".
Hazırda rezidentliyə namizədlərin təmsilçilərilə şöbə müdiri arasında müzakirələr davam edir.
Rezidenturaya qəbul üzrə namizədlərdən birinin açıqlamasına görə, ərizə yazaraq bir neçə namizədlə birgə nazir müavini Nigar Əliyevaya təqdim ediblər, N.Əliyeva isə nəticələrlə bağlı namizədlərin qarşıdakı həftənin birinci günü məlumatlandırılacaqlarını bildirib.
Bundan sonra rezidentliyə namizədlər nazirliyin binasını tərk ediblər-05B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz