Azərbaycanda vətəndaş cəmiyyəti institutlarına təzyiq və məhdudiyyətlər artır, QHT-lərin qeydiyyatı ən aktual problem olaraq qalır. Bu haqda Turan-a qeydiyyata alınmayan QHT-lərin məsələsi üzrə qurumun koordinatoru Elçin Loğmanoğlu bildirib.
Ədliyyə Nazirliyinin dövlət qeydiyyatına almadığı QHT-lər məhkəmələrə üz tuturlar. Ölkədə müstəqil məhkəmə sisteminin olmaması üzündən QHT-lərin qeydiyyat hüququ tanınmır.
Son vaxtlar bu məsələ ilə bağlı Avropa məhkməsinə müraciətlərin sayının artmasından narahat olan rəsmi Bakı məhkəməyə göndərilən sənədlərin qarşısını almağa çalışır. Belə ki, bu məsələ ilə bağlı Ali Məhkəməyə müraciət edən QHT təmsilçilərinə məhkəmə prosesinin nə zaman keçiriləcəyi bildirilmir və məhkəmə qərarları verilmir. İctimai həyatda xüsusilə tanınan şəxslərə qarşı bu iş daha ciddi şəkildə həyata keçirilir.
Vətəndaş cəmiyyətinin fəallı, beynəlxalq ekspert Qubad İbadoğlu rəhbərlik etdiyi İctimai Təşəbbüslər Mərkəzi ilə bağlı 2013-cü il martın 27-də Ali Məhkəməyə iddia təqdim etsə də hələ də Ali Məhkəmədən məhkəmənin nə zaman keçiriləcəyinə dair bildiriş ala bilməyib.
Artıq bir neçə aydır ki, Ali Məhkəmə bu məsələ ilə bağlı qərar versə də qərar iddiaçılara təqdim olunmayıb. Qaydalara görə isə Avropa məhkəməsinə qərar qəbul oldunğu gündən 6 ay müddətinə qədər şikayət etmək hüququ var. Yayda qəbul edilmiş qərarın tarixi və vaxtı haqqında təsisçilərə heç bir məlumat verilməyib.-05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz