ARDNŞ 2014-cü ildən şimal marşrutundan imtina edəcək

ARDNŞ Bakı-Novorossiysk kəməri ilə neft nəqlindən tam imtina edə bilər“, - deyə Xəzər-Avropa İnteqrasiya-İşgüzar Klubunun iclasında iştirak edən ARDNŞ-ın emal üzrə vitse-prezidenti David Məmmədov jurnalistlərə açıqlamasında deyib.

Onun sözlərinə görə, mövcud Rusiya-Azərbaycan hökumətlərarası sazişinin müddəti bitib, amma bu, RF tərəfi ilə kommersiya əsasında danışıqlar başlamağa mane olmur. 

““Transneft”in tarifi bizi qane etmir. Ona görə qərb marşrutuna (Bakı-Supsa - red) keçəcəyik. BTC ilə ixrac imkanı da var. Biz qarşılıqlı sərfəli qərar verənə kimi Bakı-Novorossiysk kəməri dayanacaq”, - deyə Məmmədov bildirib.

O, gələcəkdə  Bakı-Novorossiysk kəməri ilə revers rejimində neft nəql edib onun Bakı NEZ-lərində emal edilməsini istisna etməyib. 

* Azərbaycan neftinin Bakı-Novorossiysk kəməri ilə nəqli 25 oktyabr 1997-ci ildə başlayıb. Tarif 1 ton üçün $15,67 idi.Bu tarif  Rusiya-Azərbaycan hökumətlərarası sazişinə əsasən 18 yanvar 1996-cı ildə qəbul edilmişdi. O vaxtdan tarif dəyişməyib. 5 may 2013-cü ildə RF baş naziri Medvedev 1 yanvar 2014-cü ildən Rusiyanın sazişdən çıxdıması barədə sərəncam verib. O vaxt “Transneft” şirkətinə tapşırılmışdı ki, kommersiya əsasında neft nəqli üzrə ARDNŞ ilə danışıqlar aparsın. –12D--