Photo: UNDP Azerbaijan/ Dilara Umudova.
Bakı/17.10.19/Turan: Oktyabrın 17-də Qusar rayonunda yeni Qadın Resurs Mərkəzi açılıb. Qurum BMT İnkişaf Proqramı, BMT Gender Bərabərliyi və Qadınların Səlahiyyətlərinin Artırılması Qurumu (UN Women), İsveçrə hökumətinin (İsveç İnkişaf və Əməkdaşlıq Agentliyi) əməkdaşlığının nəticəsində yaradılıb.
Layihə Azərbaycan Ailə, Qadın və Uşaq Problemləri üzrə Dövlət Komitəsi ilə birlikdə keçirilir.
Yeni Qadın Resurs Mərkəzi İsveçrənin İnkişaf və Əməkdaşlıq Agentliyi (SDC) tərəfindən maliyyələşdirilən "Cənubi
Qafqazda Qadınların İqtisadi Səlahiyyətlərinin Artırılması 1 " layihəsi çərçivəsində kənd və rayon yerlərində qadınlar üçün yaradılan üç regional mərkəzdən biridir. Digər iki mərkəz Bakının Xəzər rayonunda və Sabirabadda açılıb.
637 min dollar dəyərində bu regional təşəbbüs üç il öncə başlayıb və 2021-ci ilədək davam edəcək.
Layihədə məqsəd qadınların, xüsusən də iqtisadi və sosial cəhətdən daha əlverişsiz şəraitdə yaşayan qadınların öz icmalarında və cəmiyyətin iqtisadi və sosial həyatında daha fəal iştirak etməsi üçün lazım olan hər cür dəstəklə təmin edilməsidir.
Qusar, Sabirabad və Bakının Xəzər rayonunda yaradılan Qadın Resurs Mərkəzləri əmək bazarı və digər baza məlumatlara çıxış imkanlarını asanlaşdıran rəqəmsal texnologiya ilə təchiz edilib. PwC şirkəti ilə razılaşmaya əsasən qadınların istehsal etdikləri mal və xidmətlərin reklamı, təşviqi və satışını daha səmərəli şəkildə həyata keçirmək məqsədilə xüsusi e-ticarət və e-marketinq imkanları təklif edəcək yeni bir veb platforma qurulacaq.
Layihənin digər iqtisadi tərəfdaşı Sobsan şirkətidir.
Üç Resurs mərkəzində 530-a yaxın qadın əməkdaşlığa cəlb edilib, BMT İnkişaf Proqramı Bakı ofisindən bildiriblər. 71D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz