Sülh və Demokratiya İnstitutunun (SDİ) Nizami küçəsi, 63 ünvanda yerləşən ofisinə ötən gecə kənar şəxslər müdaxilə ediblər. Qeyd edək ki, həmin binada Qadın Krizis Mərkəzi (QKM) və Minalar Əleyhinə Azərbaycan Kampaniyası da yerləşir.
QKM-nin rəhbəri Mətanət Əzizova Turan-a bildirib ki, aprelin 28-də ofisdən axırıncı o çıxıb və işıqları söndürüb.
Təxminən saat 01:00-da SDİ direktoru Leyla Yunusun və onun həyat yoldaşı Arif Yunusun hava limanında saxlanması barədə məlumat yayılandan sonra QKM-in eksperti, psixoloq Azad İsazadə ofisə gəlib, lakin polis və mülki geyimli şəxs onu içəri buraxmayıb.
Həmin vaxt ofisdə işıqlar yanmayıb. Lakin saat 03:00-a yaxın SDİ və digər QHT-lərin əməkdaşları yenidən ofisə gələrkən otaqların birində işığın yandığını görüblər. Bu o deməkdir ki, ofis polis tərəfindən əhatədə olan zaman kimsə oraya daxil olub. Aprelin 29-da səhərə yaxın ofis əvvəlkitək polisin nəzarətində olub.—06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz