Seçkilərdə pozuntulara dair feyklər yoxsa videosübutlar?

Azərbaycanın dövlət strukturları 7 fevralda - növbədənkənar prezident seçkilərinin keçirildiyi gündə seçki məntəqələrindəki qanunsuz hərəkətlərlə bağlı şəbəkələrdə yayılan videoqeydləri saxta adlandırırlar.

Fəal seçicilər və müşahidəçilər seçki pozuntuları barədə bildirirlər. Seçici Akif Qurbanov gizli kamera ilə çəkilmiş videonu şəbəkədə yerləşdirib. O, məntəqə seçki komissiyasını başqa məntəqədə səs vermək üçün sənədləri olmayan digər rayonların sakinlərinə seçki bülletenləri verməkdə ittiham edir.

Video 35 saylı Xətai (Bakı) seçki dairəsində 17-ci məntəqədə çəkilib.

“Toplum” TV-nin jurnalistləri 6 saylı Culfa-Ordubad (Naxçıvan) seçki dairəsinin 2-ci və 3-cü məntəqələrində “karusel” sxemini göstəriblər. "Karusel" - eyni adamlar müxtəlif seçki məntəqələrində bir neçə dəfə səs verirlər. Naxçıvanın Sədərək rayonunda da "Karusel”dən istifadə edilib,  - HamamTimes bildirir.

“Mikroskopmedia” 113 saylı Qax-Şəki məntəqəsində MSK tərəfindən quraşdırılmış müşahidə kameralarından videoqeydləri nümayiş etdirib. 9-cu məntəqədə kamera qutulardan  o qədər uzaqda quraşdırılıb ki, atılan bülletenlərin sayını görmək mümkün deyil, - resurs bildirir.

65 saylı Salyan-Biləsuvar-Neftçala seçki dairəsinin 9-cu məntəqəsində kamera qutulara topa ilə bülleteninin atıldığını qeydə alıb.

90 saylı Ağsu seçki dairəsinin 32-ci məntəqəsində də bir topa bülleteninin atıldığı qeydə alınıb, - “Mikroskopmedia” bildirir.

“Meydan” TV-nin saytında yerləşdirilən videoyazılarda müxtəlif məntəqələrdə eyni seçicilərin səs verdiyi görünür.

“İki vətəndaş 27 saylı Sabunçu ikinci seçki dairəsinin 4-cü məntəqədə səs verir. Sonra onlar beşinci məntəqədə səs verirlər”, - saytdakı videoda izah edilir.

https://www.facebook.com/search/top?q=se%C3%A7ki

MSK-nın sosial səhifəsində vətəndaşlar seçki qanununun pozulduğunu bildirirlər. Mübariz Nağıyev yazır ki, məntəqəyə gedib və seçicilər siyahısında öz adını tapmayıb. Sonra məlum olub ki, onun adı Nağıyevin aid olmadığı tamamilə fərqli seçki məntəqəsində yazılıb.

Gülnarə Zakir 18 yaşına çatmış qızının səs verməsinin zəruriliyilə bağlı poçtla bildiriş (məntəqənin nömrəsi və yeri göstərilməklə) almamasından narazılıq edir. “Onlar seçmək hüququ olan seçicilərin  siyahısını necə tərtib edirlər”, - o  MSK-dan soruşur.

Mariya Məmmədova yazır ki, bir neçə gündür ki, Xətai (Bakı) seçki dairəsi üzrə seçici siyahılarında öz adını tapa bilmir.

Dövlət strukturları seçkilərdə  pozuntulara dair bəzi videoyazıları  təkzib edən çıxışlar ediblər.

"Fevralın 7-də sosial şəbəkələrdə yayılan videoda səsvermə qutusuna bir topa bülletenin atıldığı göstərilib. Videoqeydin 44 saylı Sumqayıt üçüncü seçki dairəsinin 21 saylı məntəqəsində çəkildiyi bildirilir.

Azərbaycan Respublikası Medianın İnkişafı Agentliyi  və Azərbaycan Respublikası Xüsusi Rabitə və İnformasiya Təhlükəsizliyi Dövlət Xidmətinin birgə bəyanatında deyilir ki, sözügedən video saxtadır və reallığı əks etdirmir. Araşdırma zamanı müəyyən edilib ki, bu video 8 sentyabr 2019-cu ildə başqa ölkədə çəkilib", - Oxu.az saytı bildirir.

Xaricdə fəaliyyət göstərən “Microskopmedia” saytının rəsmi Facebook səhifəsində nümayiş etdirilən kadrlarda guya seçki məntəqəsinin iki üzvünün seçki qutusuna yaxınlaşaraq ona topa bülleten atdığı görünür.

Yazıda qeyd olunur ki, guya  insidentlər bu gün saat 12:07  və  12:15- də 65 saylı Salyan-Biləsuvar-Neftçala seçki dairəsinin 9 saylı məntəqəsində baş verib. Bu məlumat öz təsdiqini tapmayıb və saxta olduğu ortaya çıxıb” - eyni informasiya resursu təkzib mənbəyinə istinad etmədən bildirib.

Azərbaycanda prezident seçkiləri başa çatdı. Azərbaycan seçicilərinin 93,9% - i İlham Əliyevə səs verib. Oracle Advisory Group-un exit poll haqda bülleteni bildirir. Araşdırmanın nəticələri aşağıdakı kimidir:

– İlham Əliyev - 93,9 % 

– Zahid Oruc - 1,8 %      

– Razi Nurullayev - 0,9 %     

– Fazil Mustafa - 1,5 %       

– Elşad Musayev - 0,4 %  

- Qüdrət Həsənquliyev - 1,2 %

- Fuad Əliyev -  0,3 %.