Siyasilər R.Səfərovun azadlığı haqqında

2004-cü ildə erməni zabitini Macarıstanda qətlə yetirən Ramil Səfərovun Azərbaycana ekstradisiya və əfv olunması ilə bağlı siyasilər Turana açıqlamalar veriblər.

Müsavat Partiyası başqanı İsa Qəmbər R.Səfərovun Azərbaycana ekstradisiyasını və əfv olunmasını təqdir etdiyini söyləyib. “Ramil əməlinin cəzasını kifayət qədər çəkib, həbs müddətində özünü yüksək səviyyədə aparıb. Dil öyrənib, kitablar tərcümə edib, həyatın gedişini daha yaxşı dərk edib”, - deyə Müsavat lideri qeyd edib. Müsavat başqanı bu məsələdə Azərbaycanla Macarıstanın anlaşmasının özünü müsbət hal kimi dəyərləndirib. Hətta səhvi olduqda belə dövlətin vətəndaşına sahib çıxmalı olduğunu deyən İ.Qəmbər vətəndaşın da istənilən halda onun arxasında dövlətinin duracağına əminliyi olmasını qeyd edib. R.Səfərovun azadlığa çıxması münasibətilə yaxınlarına gözaydınlığı verib. 

Xalq Cəbhəsi Partiyasının sədri Əli Kərimli də bu əfvi təqdir etdiyini söyləyib. R.Səfərov Macarıstanda həbsə alınarkən yaxınlarının ermənilər tərəfindən qətlə yetirilmələri, erməni zabiti tərəfindən aşağılanması və s. kimi halların nəzərə alınmadığını bildirib. “Cəzasını xeyli müddət çəkdiyinə görə əfvi  mümkün idi”, - deyə AXCP sədri əfvi bir daha təqdir edib.

R.Səfərov 2004-cü ildə Macarıstanda NATO-nun 3 aylıq kurslarına qatılıb. Kurslarda iştirak edən erməni zabiti Qurgen Markaryanın mütəmadi şəxsi və milli mənada aşağılamalarına məruz qalıb, buna cavab olaraq R.Səfərov erməni zabitini qətlə yetirib. Macarıstan məhkəməsi R.Səfərov barədə ömürlük həbs cəzası qərarı çıxarmışdı. 2012-ci avqustun 31-də R.Səfərov Azərbaycana ekstradisiya edilib və dövlət başçısı İlham Əliyev onun barəsində əfv fərmanı imzalayıb. -05B- 

 

Rəy yaz

Cəmiyyət

Qubad İbadoğluna qarşı yeni ittiham? – Qardaşı Qalib Bayramov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti