Azərbaycan prezidentinə müraciət

 

Hörmətli cənab Prezident!

 

Biz, Azərbaycan Respublikasının vətəndaşları, Sizə 2012-ci il avqustun 31-də səhər saatlarında YNH nəticəsində həmvətənlərimizin həlak olması ilə əlaqədar müraciət edirik. Cəmiyyət çoxdandır avtobus sürücülərinin və nəqliyyat sahəsində digər işçilərin dəfələrlə kobud pozuntulara yol verməsindən narahatdır. Sizin sərəncamlarınıza əsasən ölkədə infrastrukturun və nəqliyyat sektorunun yaxşılaşdırılması üzrə geniş miqyaslı işlər görülsə də, vətəndaşlar üçün marşrut avtobuslarından istifadəni rahat və təhlükəsiz etmək məqsədi daşıyan nəqliyyatı intellektual idarəetmə sistemi tətbiq edilsə də, Azərbaycan yollarında vəziyyət kritikdir.

Bu məktubla marşrut avtobuslarının iştirakı ilə yol-nəqliyyat hadisələrinin artmasından, çox sayda təqsirsiz insanların qurban getməsindən vətəndaş narahatlığımızı ifadə etmək istəyirik. Böyük təəssüflə qeyd etmək istəyirik ki, bu xoşagəlməz faktlar birbaşa nəqliyyat sahəsində qanunvericiliklə müəyyən olunmuş müvafiq təhlükəsizlik normalarının məsul əməkdaşlar tərəfindən pozulması ilə bağlıdır:

1. Bəzi ictimai nəqliyyat sürücülərinin kifayət qədər stajı və onlara etibar edilmiş nəqliyyatı idarə etmək üçün tələb olunan kateqoriyada sürücü vəsiqəsi olmaması.

2. İctimai nəqliyyat sürücülərinin Yol Hərəkəti Qaydalarını tez-tez pozması: İşıqforu qırmızı işıqda keçməsi; sürət həddini aşması; Sərnişinlərin həyatı üçün təhlükəli olan hərəkət; Avroxuliqanlıq; Avtobusların avtobus dayanacaqlarından kənarda saxlanılması; Sərnişinlərin yolun işlək hissəsinin ortasında mindirilməsi və endirilməsi.

3. İctimai nəqliyyat sürücülərinin təqsiri üzündən tez-tez qəzalar baş verməsi və sərnişinlərin həyatı üçün təhlükə yaranması. 

4. Eyni istiqamətdə rəqabət edən marşrutların olması, bu, sürücülərin yarışmasına səbəb olur. Bunun nəticəsində isə yuxarıda qeyd olunan YHQ pozuntuları baş verir.

5. İctimai nəqliyyat sürücülərinin sərnişinlərdən gediş haqqı alması sisteminin nöqsanlı olması. Bu, onların ictimai nəqliyyata maksimum sayda sərnişin almasına və sərnişinlərin minməsi və enməsi üçün uyğun olmayan yerlərdə dayanmasına səbəb olur. 

Yuxarıda deyilənlərlə əlaqədar Sizdən müvafiq qurumlara aşağıdakı tədbirləri görmək göstərişi verməyi xahiş edirik:

1. İctimai nəqliyyatın texniki vəziyyətinə nəzarəti gücləndirmək.

2. İctimai nəqliyyat sürücülərinin sağlamlığına nəzarəti gücləndirmək.

3. Sürücülərin idarə etdikləri ictimai nəqliyyat vasitəsinin kateqoriyasına uyğunluğuna nəzarətin gücləndirilməsi.

4. Elektron kart sistemi və sürücülərin ciddi şəkildə müəyyən edilmiş əmək haqqının tətbiq edilməsi; bu, onların maksimum çox gediş haqqı toplamaq marağını azaldacaq.

5. Eyni istiqamətdə hərəkət edən rəqabətli marşrutların olmaması üçün ictimai nəqliyyat marşrutlarının sayına və istiqamətlərinə yenidən baxılması.

6. Nəqliyyat Departamenti və Yol Polisi əməkdaşlarının ictimai nəqliyyata və ictimai nəqliyyatda və yollarda təhlükəsizlik normalarına riayət edilməsinə nəzarət öhdəliklərini vaxtlı-vaxtında yerinə yetirməsi üçün onlara nəzarətin gücləndirilməsi.

7. Vətəndaşların Yol Hərəkəti Qaydalarını və təhlükəsizlik normalarını kobud şəkildə pozan ictimai nəqliyyat sürücülərindən şikayət edə biləcəkləri “qaynar telefon xətti” yaradılması.

Biz, Azərbaycan Respublikasının vətəndaşları, ümid edirik ki, Siz ölkəmizin prezidenti olaraq nəqliyyat, Yol Hərəkəti Qaydalarına və yollarda təhlükəsizlik normalarına riayət olunması sahəsində sərəncamlarınızın icrasını şəxsi nəzarətiniz altına götürəcəksiniz.

 

Hörmətlə:

 

1. Əlirza Fiqarov, həkim.

2. Znamenski Andrey, sistem administratoru

3. Yana Mədətova, jurnalist

4. Aynur Abdullayeva, pedaqoq

5. Mehriban Rəhmanova, rəssam

6. Gülnar Xəlilova, iqtisadçı

7. Samirə Tağıyeva menecer.

8. Fidan Ağalarova, referent

9. Samirə Ağayeva, tələbə

10. Könül Xankişiyeva, maliyyəçi 

11. Anna Yusupova, referent

12. Cəlil Qəniyev, mühəndis

13. Qurban Qasımov, mühəndis

14. Xudu Xuduyev, mühəndis

15. Cavad Mustafayev, mühəndis

16. Rüstəm Əsgərov, mühəndis

17. Əhmədov Orxan, biznesmen

18. Elçin Abdullayev, sahibkar

19. Emil Məmmədzadə, hüquqşünas

20. Amid İsaqov, iqtisadçı

21. Zaur Orucov, həkim

22. Kamal Sadıqov, mühəndis

23. Zaur Dadaşov, mühəndis

24. Leonid Radetski, IT mütəxəssisi

25. Gülya Xanızadə, musiqi müəllimi

26. Rahil Əsgərov, biznesmen

27. Denis Xripunov, sistem administratoru

28. Sultan-Ahmedi Fariz, biznesmen 

29. Zaina Zamuldinova 

30. Rüstəm Şərifov, mühəndis

31. Leyla Rzayeva, politoloq

32. Rövşən Axundov

33. Anar Məmmədov, marketoloq

34. Ələsgərova Mehriban, cərrah

35. Rüfət Qaraxanov, mühəndis / iqtisadçı

36. Şahin Məmmədov, sürücü 

37. Aynara İbrahimova, menecer

38. Reyş Yelena, menecer

39. Vaqif Hacıyev, həkim, mühəndis

40. Adil Hüseynzadə

 

Rəy yaz

Söz istəyirəm

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti