Son bir həftə ərzində Bakı Şəhəri Təcili Təxirəsalınmaz Tibbi Yardım Xidməti 7 nəfərə günvurma diaqnozu ilə yardım göstərib. Onlardan 3 nəfəri xəstəxanalara yerləşdirilib. Bu barədə Turan-ın sorğusuna cavabda Bakı Şəhəri Təcili və Təxirəsalınmaz Tibbi Yardım Xidmətindən bildiriblər.
Ümumilikdə isə bu il yay mövsümü ərzində Bakı şəhərində günvurma diaqnozu ilə 50 nəfərə təcili və təxirəsalınmaz tibbi yardım göstərilib. Onlardan 17 nəfəri xəstəxanalara yerləşdirilib.
Xatırladaq ki, son həftə ərzində ölkə ərazisində kəskin istilər davam etməkdədir. Bəzi yerlərdə temperatur 42 dərəcəyədək yüksəlib. Bakı və Abşeron yarımadasında isə 40 dərəcəyədək isti var. Mütəxəssislər insanlara açıq havada çox qalmamağı məsləhət bilir. Əmək müfəttişliyi işəgötürənləri içşilərin günün isti vaxtlarında açıq havada işləməsinə yol verməməyə çağırıb.
Ekologiya və Təbii Sərvətlər Nazirliyinin Milli Hidrometeorologiya Departamentinin son məlumatına görə, isti havalar avqustrun 11-dək davam edəcək.
Sabah Bakıda və Abşeron yarımadasında temperatur 39 dərəcəyədək yüksələcək. Azərbaycanın rayonlarında isə avqustun 11-də gündüz 35-40, bəzi yerlərdə 42, dağlarda 27-32 dərəcə isti olacaq.-03B-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz