Mövlud Çavuşoğlu: «Türkiyə Qarabağ nizamlanmasına qoşulmağa hazırdır»

Türkiyə XİN rəhbəri Mövlud Çavuşoğlu Türkiyə-Rusiya-Azərbaycan üçtərəfli mexanizminin formalaşması mövzusunu şərh edib. “Anadolu” agentliyinin müxbiri ilə söhbətində o, diqqəti Türkiyə-Rusiya-İran mexanizminin olmasına yönəldib.

“Biz Moskva, Ankara və Bakının iştirakı ilə oxşar üçtərəfli formatının yaradılmasının mümkünlüyünü bəyan etmişik.

Azərbaycan bu təklifi müsbət qarşılayıb, prezident Ərdoğan isə bu barədə Putinə deyəndə o, dərhal təklifi qəbul etdi”, - Çavuşoğlu vurğulayıb.

Cənubi Qafqazda vəziyyətə toxunan nazir deyib ki, “Qarabağ münaqişəsi regionda sabitlik və təhlükəsizliyə qorxu törədir. Biz bundan əvvəl də münaqişənin nizamlanmasına səy göstərmişik”, - o bildirib və qeyd edib ki, Rusiya da Ermənistan-Azərbaycan münaqişəsilə bağlı müvafiq təşəbbüslə çıxış edir.

“Biz Rusiyanın təklifini nəzərdən keçiririk. Bu təşəbbüslər münaqişənin nizamlanması kontekstində Ermənistana təklif etdiyimiz təşəbbüslərlə üst-üstə düşür. Həm rusiyalı, həm də azərbaycanlı qardaşlar Ankaranın münaqişənin həllinə mümkün qədər töhfə verməsinə tərəfdardır. Biz münaqişənin nizamlanması istiqamətində bizdən asılı olan hər şeyi edəcəyik”, - Türkiyə XİN rəhbəri bildirib.-02D-