Bakı/19.01.18/Turan:Yanvarın 19-da Azərbaycan prezidenti yanında Mənzil İnşaatı Dövlət Agentliyinin (MİDA) inzibati binasında ötən ilin yekunlarına və qarşıda duran məsələlərə həsr olunan iclas keçirib. Bu barədə Agentliyin yaydığı məlumatda deyilir.
Agentliyin sədri Samir Nuriyev bildirib ki, qurum 2017-ci ildən çoxmənzilli binaların tikintisinə başlayıb: İlk layihə 1843 mənzildən ibarət "Yasamal Yaşayış Kompleksi"nin tikintisi başlanıb, hazırda davam edir və 2019-cu ildə isə kompleksin tam təhvil verilməsi nəzərdə tutulur.
S.Nuriyev deyib ki, Yasamal Yaşayış Kompleksi layihəsinin reallaşdırılması çərçivəsində 3 investisiya müsabiqəsinin nəticələrinə əsasən 18 milyon manata yaxın özəl sərmayə cəlb olunub.
"Güzəştli mənzil" sistemi vasitəsilə güzəştlə mənzil əldə etmək hüququna malik vətəndaşların müraciətlərinin qəbuluna başlanıb və 7500-dən artıq vətəndaşın mənzil əldə etmək hüququ təsdiqlənib.
S.Nuriyev bildirib ki, Agentliyin növbəti Hövsan Yaşayış Kompleksi layihəsinin də reallaşdırılmasına 2017-ci ildə start verilib.-05D-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz