![Şura həkimləri cəzalandırdı](https://turan.az/resized/media/2017/main/082300004154-750-500-resize.webp)
Şura həkimləri cəzalandırdı
Bakı/23.08.17/Turan: Sumqayıtda baş vermiş quduzluq xəstəliyindən ölüm hadisəsinin araşdırılması nəticəsində Sumqayıt şəhər Səhiyyə Şöbəsi Tibbi Şurasının qərarına əsasən həkimlər cəzalandırılıb.
Bu barədə Səhiyyə Nazirliyi bildirir.
Şuranın qərarı ilə uşağın valideynlərinin şifahi xahişi əsasında vaxtından əvvəl xəstəxanadan evə yazılmasına və bu barədə ərazi 1 nömrəli Uşaq Poliklinikasına xəstə uşaq üzərində nəzarət olunması üçün bildiriş verilmədiyinə görə Sumqayıt şəhər Təcili Tibbi Yardım Xəstəxanasının uşaq travmatologiya şöbəsinin həkim ordinatoru Mahal Məmmədova sonuncu xəbərdarlıqla şiddətli töhmət verilib.
Xəstəxananın şöbə müdiri Məharət Xasayevə isə töhmət elan olunub.
Xatırladaq ki, Sumqayıt sakini, 5 yaşlı Zeynəb Mikayılzadə bu il iyulun 31-də valideynləri tərəfinfən təcli yardıma gətirilib.
Valideynləri uşağı it dişlədiyini deyiblər, tələb edilən bəzi iynələr vurulub, sonrakı 4 gün ərzində vəziyyəti yaxşılaşmağa doğru gedib, valideynlər uşağı evə yazmağa məcbur ediblər.
Avqustun 14-dən uşağın narahatlığı və bədən hərarətinin bir neçə gün ərzində yüksəlməsi ilə əlaqədar Sumqayıt uşaq travmatoloji şöbəsinə müraciət ediblər, avqustun 17-də uşaq həmin xəstəxanada quduzluq xəstəliyindən dünyasını dəyişib.--0--
-
- Çətin sual
- 23 Avqust 2017 13:16
-
- İqtisadiyyat
- 23 Avqust 2017 13:42
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz