Çərşənbə axşamı Müdafiə Sənayesi Nazirliyi “Tufan” ilk milli zirehli maşının təqdimatını keçirib.
Tədbir “Aqreqat” İB-nin cihazdüzəltmə zavodunda keçirilib.
Zirehli maşın müxtəlif döyüş tapşırıqlarının yerinə yetirilməsi üçün yaradılıb və minaya davamlıdr.
Müdafiə sənayesi nazirinin müavini Azad Məmmədov bildirib ki, ZTR təcrübə-konstruktor nümunələri Milli Aerokosmik Agentlik tərəfindən hazırlanıb. Zirehli maşının heyəti “STANAG-4569” ballistik qoruma standartının tələblərinə uyğundur.
Milli Aerokosmik Agentliyin direktoru Alçin Şirinzadə bildirib ki, “Tufan” zirehli maşınının üzərində universal döyüş modulu quraşdırılıb. Qurğunun yüksək dəqiqli optik və elektron cihazları sayəsində 2 km-dən çox məsafədə olan düşməni aşkarlamaq, bir neçə hədəfi prioritetlərə bölmək və məhv etmək mümkündür.
ZTR modulu 12,7 mm. çaplı NSVT-12,7 tipli pulemyot, tank əleyhinə idarə olunan raket sistemi və ya avtomatik qumbaraatan ilə təchiz edilib.
Avtomatik idarəetmə, sursatı doldurma və optik müşahidə sistemləri, döyüşçüyə zirehli gövdəni tərk etmədən 360 dərəcədə atəş aparmağa imkan verir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz