Bakı/15.03.18/Turan: Martın 15-də Helsinki Vətəndaş Assambleyası Milli Komitəsinin ofisində "Zərif ruhun işığında" kitabının təqdimatı olub. Kitab tanınmış filoloq və ictimai xadim Gülrüh Əlibəylinin 90 illiyinə həsr olunub.
Təqdimata G. Əlibəylinin ailəsinin yaxınları, yaradıcı ziyalılar, ictimai xadimlər toplaşıb.
Gülruh xanım ali məktəbdə estetika dərsi deyib və özü də ətraf aləmin estetik baxımdan qəbul edilməsinin daşıyıcısı olub, Sədiyar Əliyev anasını belə xatırlayır.
S.Əliyev Gülruh xanımın həyat və yaradıcılığı haqda slaydları nümayiş etdirib. Slaydlar 2016-cı ildə dünyasını dəyişmiş alim və yazıçının sevimli melodiyaları ilə müşayiət edilib.
Gecədə G. Əlibəylinin haqqında çoxlu xoş sözlər söylənilib.
"O, müəllimlik karyerasına yeni başlayanda mənə ali məktəbdə onun dinləyicisi olmaq nəsib oldu",- kulturoloq Toğrul Cuvarlı bildirib. "Bizim aramızda yaş fərqi az idi. Ancaq o, həmin vaxtlarda da bizim üçün zərif ruhun işığı idi".
Kitab "Qanun" nəşriyyatında Aqşin Dadaşzadənin redaktorluğu ilə nəşr edilib.
Gülruh xanımın qızı, Böyük Britaniyada çalışan Leyla Əliyeva toplaşanlara öz təşəkkürünü bildirib.-0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz