ABŞ-ın Azərbaycandakı səfiri təqaüdə çıxır

Bakı/15.03.18/Turan: Səfir Robert F. Sekuta Azərbaycanda üç ildən çox, Dövlət Departamentində isə uzun müddət çalışdıqdan sonra, Bakıdakı vəzifəsini mart ayının sonunda bitirməyə və daha sonra diplomatik xidmətini başa vurub təqaüdə çıxamağa qərar verib.

Bu barədə Turan-nın sorğusuna cavabda ABŞ-ın Azərbaycandakı səfirliyindən bildiriblər.

Səfir Sekuta qeyd edib ki, onun ölkədə vəzifəsini icra etdiyi müddətdə Birləşmiş Ştatlar və Azərbaycan arasında əlaqələr irəliləyib, inkişaf dib.

"O, və ailəsi ölkəni, Azərbaycan xalqını yaxından tanımağı və Azərbaycanda keçirdikləri vaxtlarını çox yüksək dəyərləndirir. Cənab Sekuta bildirir ki, Amerika Birləşmiş Ştatlarının səfiri olmaq onun üçün çox böyük bir şərəf idi və indi o, yeni imkan və nailiyyətləri səbirsizliklə gözləyir", sorğuya cavabda qeyd edilir.

Robert Sekuta 2015-ci il fevralın 12-dən ABŞ-ın Azərbaycanda səfiridir.-03D-