Ağdamdan Qarabağa yol açılacaqmı, Qarabağda daxili çəkişmələr və Fransa nəyə nail olur?

"Svoboda" radiosunun şərhçisi və Mərkəzi Asiya üzrə ekspert Vadim Dubnov "Çətin sual" proqramının efirində "Laçın dəhlizi" ətrafında və ümumilikdə Qarabağda vəziyyəti şərh edir.

Onun sözlərinə görə, Qarabağda siyasi vəziyyətin gərginləşməsinə bir sıra amillər səbəb olub.

"Əvvəla, bu,  məsələnin həllinə yaxınlaşmaya işarədir, ancaq eyni zamanda  məsələnin çözülməsinə nə qədər vaxtın qaldığı aydın deyil", - ekspert hesab edir.

İkincisi, Dubnov hesab edir ki, əgər Ruben Vardanyan və Samvel Babayan öz mövqelərini çoxdan müəyyənləşdiriblərsə, Araik Arutyunyan bu günə qədər öz mövqeyini müəyyən edə bilmir.

"O, nəsə bir aydınlıq gətirilməsini gözləyir. Çünki o, fəaliyyəti hamının – həm Yerevanın, həm Moskvanın, həm də Bakının mövqeyindən asılı olan yeganə oyunçudur. O, bütün bunları nəzərə almalıdır, çünki mövqeyi belədir. Digərləri öz bəyannamələrində və hərəkətlərində az-çox sərbəstdirlər. Və bu da daxili siyasi kolliziyaya öz təsirini göstərir", - o qeyd edib və əlavə edib ki,"yaxın gələcəkdə... yəqin ki, bir həftə ərzində hansısa yeni aydınlıq gətiriləcək, hansısa yeni süjetli dönüş və əsasa çevrilərək blokadanı əvəz edəcək yeni bir mövzu olacaq".

Dubnovun fikrincə, Araik Arutyunyan Ağdam yolunun açılmasına razı olmayıb, baxmayaraq ki, az öncə işarə etmişdi ki, Qarabağ ermənilərinin başqa çıxış yolu yoxdur,  çünki Yerevanda daxili siyasi təzyiq çox böyükdür, hələ Qarabağı demirik.

"Qarabağda baş verənlər ən çox Yerevanın intriqasının təzahürüdür. Yerevan tərəfindən Qarabağın inadkar liderlərinə təzyiq davam edir. Lakin məqsədə çatmadığı məlum olur, yəni Yerevanın özündə bu mövqe üstünlük təşkil etmir, Araik Arutyunyan da tərəddüd etməyə məcburdur", - analitik hesab edir.

Dubnovun fikrincə, "Qarabağda prezident postu, rəhbərlikdə post uğrunda, hakimiyyətə can atan adamların qızğın polemikası "bir növ aldadıcıdır". Çünki  hazırda prezident postu, Qarabağ lideri postu bunun uğrunda  mübarizə aparmağa dəyəcək bir mükafat deyil.

Parisin Azərbaycanı diplomatik münaqişəyə təhrik edən görünməmiş fəallığına toxunan ekspert deyib: "Paris Aİ-dən müstəqil oyun oynamağa, özünü hansısa ayrı güc mərkəzi kimi göstərməyə, Minsk Qrupunun müəyyən ideya irsini saxlamağa çalışır. Digər tərəfdən, bu, Fransanın Qarabağ, Azərbaycan və ya Ermənistandan daha çox qlobal lövhələrdə oyunu ilə müəyyən edilir. Eynilə hər zaman olduğu kimi, Ermənistan üzrə kifayət qədər "partizan" mövqeyi də rol oynayır".