Bakı/21.05.21/Turan: “Azərbaycanla Ermənistan arasında minalanmış sahələrin xəritələrinin verilməsi, erməni hərbçilərin qaytarılması kimi xırda güzəştlər ola bilər. Amma sülh sazişi imzalana bilməsinə tərəflər hazır görünmürlər”. Politoloq Leyla Əliyeva bunu Turan-ın mayın 21-də “Çətin sual” proqamının “Azərbaycanın, ABŞ, Avropa Birliyi və Ermənistana mesajları” mövzusuna həsr olunmuş buraxılışında bildirib.
Onun fikrincə, dövlət başçısı İlham Əliyev bu istiqamətlərdəki son çıxşlarında daha çox əvvəl dedikləri tezisləri təkrarlayıb. İndiki halda ABŞ-ın
Qarabağ məsələsində köməyindən imtina edib: “Azərbaycan bu qüvvələrlə daha çox, post-münaqişə dövründə əməkdaşlığa üstünülk verir”, Əliyeva bildirib.
O, vurğulayıb ki, Azərbaycan bu güclərə Qarabağ münaqişəsini digər regional qüvvələrlə həll etdiyini, yeni status-kvo yarandığını anladıb. Rusiyanın
rolunu isə çoxtərəfli münasibətlərin yaranması, tarixi qonşuluq kimi amillə əlaqələndirib.
Ermənistana güzəştlərə gəlincə, Əliyeva əlavə edir ki, Azərbaycan bu istiqamətdə beynəlxalq güclərə bəzi hərbçiləri qaytardığını, bu ölkəyə qaz nəql olunmasına icazə versiyini xatırladır.
Həm də dövlət başçısı xatırladır ki, indi Ermənistan həssas bir dövrdən keçir, bu vaxtı da gözləmək lazım gəlir.
Əliyevanın deməsinə görə, bəzi məsələlər isə problem olaraq qalmaqda davam edir. Belə ki, Azərbaycanın nəzarətində olmayan ərazilərin necə idarə ediləcəyi böyük sual kimi qarşıya çıxır.
Qarabağ münaqişəinin həllinə gəlincə Əliyeva deyir ki, Azərbaycan regional güclərlə gec də olsa anlaşdı, Qərb Rusiya ilə münaqişə istəmədi, regiona hərbi güclər yeridilmədi, nəticədə yeni reallıq, yeni status-kvo yarandı.
Əliyevanın firkincə, Azərbaycanın Qərblə indi əməkdaşlıq barədə arxayın danışması Qarabağ münaqişəsinin həllini tapması, status məsələsinin gündəlikdən çıxarılması ilə bağlıdır. Politoloqa görə, bu həm də regionda fəaliyyət göstərməyin Azərbaycanla əməkdaşlıqdan keçdiyi mesajıdır.
Avropa Birilyi (AB) ilə əlaqələrə gəlincə, politoloq deyir ki, Azərbaycan bu qurumla daha çox iqtisadi əməkdaşlığa üstünlük verir. -05B-
Çətin sual
-
Azərbaycanda 2025-ci il yanvarın 29-da bələdiyyə seçkiləri keçiriləcək. Noyabrın 27-də Mərkəzi Seçki Komissiyasının iclasında bu barədə məlumat verilib.
-
Səhiyyə Nazirliyinin tabeliyindəki İctimai Səhiyyə və İslahatlar Mərkəzinin mülki müdafiə qərargahının rəisi Ədalət Verdiyev həbs edilib. Həm də ehtiyatda olan zabit olaraq, hərbi ekspert kimi fəaliyyət göstərən Ədalət Verdiyev dövlət sirri hesab edilən hərbi məlumatları yaymaqda ittiham olunur. Bu barədə Baş Prokurorluğun mətbuat xidməti məlumat yayıb.
-
Noyabrın 23-də COP29-un pərdələri endikdə, iki həftə davam edən iqlim sammiti Azərbaycanın paytaxtında, Ekologiya və Təbii Sərvətlər naziri Muxtar Babayevin sədrliyi ilə keçirilərək həm rahatlama, həm də narazılıq hissləri ilə başa çatdı. Formal razılaşma elan olunsa da, ora çatmaq üçün keçilən gərgin yol qlobal iqlim dəyişikliyi ilə mübarizəyə bağlılıqda dərin fikir ayrılıqlarını və açıq qalan sualları ortaya qoydu.
-
Noyabrın 23-də BMT-nin İqlim Dəyişikliyi üzrə Çərçivə Konvensiyasına tərəflərin Konfransının (COP29) 29-cu sessiyası Bakıda başa çatdı. Azərbaycan Respublikasının Ekologiya və Təbii Sərvətlər Naziri Muxtar Babayevin rəhbərlik etdiyi konfrans iki həftə davam etdi.
Rəy yaz