“Azərsun Sənaye Parkında” yanğın. Təxribat, yoxsa hadisə? – İlham İsmayıl “Çətin sual` qarşısında

Bakı/29.04.22/Turan: Aprelin 28-də Sumqayıt şəhəri Hacı Zeynəlabdin Tağıyev qəsəbəsi, Metal baza yolunda yerləşən “Azərsun Sənaye parkı kompleksinin ərazisində başlayan yanğın bu gün səhər saatlarında söndürülüb. Yanğın 15 saatdan çox davam edib və ümumilikdə təqribən 5 min kvadrat metr sahəni əhatə edib.

Baş Prokurorluğun və Fövqəladə Hallar Nazirliyinin (FHN) yanğınla bağlı birgə məlumatında qeyd olunub ki, ilkin araşdırmalara əsasən yanğın kompleksin ərazisində plastik tullantıların atıldığı yerdən başlayaraq ərzaq və digər anbarlara yayılmaqla geniş ərazini əhatə edib.

Hadisə ilə bağlı Cinayət Məcəlləsinin 225.2-ci (Yanğın təhlükəsizliyi qaydalarını pozma) maddəsi ilə cinayət işi başlanılıb, prokurorluq və FHN-nin müstəntiqlərindən ibarət istintaq qrupu yaradılıb.

Sosial şəbəkələrdə və mediada bu hadisənin təxribat olmasına dair iddialar yer alır. Bu həqiqətən təxribatdır, yoxsa yanğın hadisəsi?

Təhlükəsizlik məsələləri üzrə ekspert İlham İsmayıl Kamran Mahmudovun təqdimatında yayımlanan “Çətin sual” verilişində bu və digər suallara cavab verir.