Azərbaycan iqtisadiyyatının vəziyyəti manatın vəziyyətini tamamilə əks etdirir, bu barədə Azərbaycanın keçmiş baş naziri Pənah Hüseyn Turan agentliyinin Çətin Sual verilişinə müsahibəsində bildirib.
Qara valyuta bazarının formalaşması da vəziyyətin göstəricisidir. “İdarə olunan iqtisadiyyat xaos mərhələsinə qədəm qoyub, bir tərəfdən hakimiyyət qanunlarının, digər tərəfdən kölgə, kriminal qrupların qaydalarının təsiri altına düşüb. Bu, uzun müddət davam edə bilməz”, deyə o bildirib.
Hüseynin sözlərinə görə, bank və maliyyə sahələrində böhranın ardınca real iqtisadiyyat çökəcək və siyasi böhrana keçəcək. Bu, qaçılmazdır.
Keçmiş baş nazir hesab edir ki, Azərbaycanda böhranın əsas səbəbi daxili amillərdir. Bu, ilk növbədə siyasi sistemlə, daha dəqiq desək, idarəetmə sistemi ilə bağlıdır.
“İqtisadiyyatın bir ailənin əllərində cəmləşməsi nəticəsində tez ya gec böhran baş verməli idi”, deyə o qeyd edib.
Hüseynin fikrincə, vəziyyətin dəyişdirilməsinin əsas şərti başda İlham Əliyev olmaqla hazırki iqtidarın hakimiyyətdən getməsidir.
İqtisadiyyatda son addımları, habelə strateji yol xəritələrini şərh edən Hüseyn qeyd edib ki, bu sənədlər “şablon” əsasında yazılıb.
“Yol xəritələri reallaşdırılmayan sənədlərdir. Məsələn, qara valyuta bazarının çiçəklənməsi maliyyə sistemi üzrə yol xəritəsi qəbul edildikdən sonra sürətlənib. Yol xəritələrinin işləmədiyini görmək üçün 2025-ci ili gözləməyə ehtiyac yoxdur. 2017-ci ilin yekunları bunu göstərəcək”, Pəhan Hüseyn belə hesab edir.
Hazırda bank sektorunda kriminallaşma gedir, çirkli pulların yuyulması üzrə mütəxəssislər bankların müşahidə şuralarının üzvlərinə çevrilir.
“2016-cı ildə bank sistemi dağıldı və indi bir çox banklar formal olaraq mövcuddur”, deyə o bildirib.
“Azərbaycan real siyasi islahatlara başlamaq fürsətini əldən verib və indi artıq böhran qarşısıalınmazdır”, deyə Hüseyn qeyd edib.
Azərbaycan cəmiyyəti xaosa qarşıdır və heç kim bunu istəmir. Əsas vəzifə bu vəziyyətdən ən az itkilərlə çıxmaqdır, sabiq baş nazir belə düşünür. -71D-
Çətin sual
-
Noyabrın 23-də COP29-un pərdələri endikdə, iki həftə davam edən iqlim sammiti Azərbaycanın paytaxtında, Ekologiya və Təbii Sərvətlər naziri Muxtar Babayevin sədrliyi ilə keçirilərək həm rahatlama, həm də narazılıq hissləri ilə başa çatdı. Formal razılaşma elan olunsa da, ora çatmaq üçün keçilən gərgin yol qlobal iqlim dəyişikliyi ilə mübarizəyə bağlılıqda dərin fikir ayrılıqlarını və açıq qalan sualları ortaya qoydu.
-
Noyabrın 23-də BMT-nin İqlim Dəyişikliyi üzrə Çərçivə Konvensiyasına tərəflərin Konfransının (COP29) 29-cu sessiyası Bakıda başa çatdı. Azərbaycan Respublikasının Ekologiya və Təbii Sərvətlər Naziri Muxtar Babayevin rəhbərlik etdiyi konfrans iki həftə davam etdi.
-
Hesablama Palatasının Azərbaycan Respublikasının 2025-ci il dövlət büdcəsi haqqında” qanun layihəsinə verdiyi rəyə görə, gələn il Azərbaycanda minimum əməkhaqqı 400, minimum pensiya məbləği 280, ehtiyac meyarı və yaşayış minimumunun həddi 285 manat götürüləcək.
-
Türkiyə Prezidenti Rəcəb Tayyib Ərdoğan İsraillə ticarət əlaqələrini kəsdiklərini deyib.
Rəy yaz