Çətin sual: Zəngəzur dəhlizi olsun, ya olmasın?
Bakı/03.06.21/Turan: Azərbaycan Ermənistanla sülh sazişini imzalamağa və sərhədlərin demarkasiyasına hazırdırmı?
Bu mövzunu Turan agentliyinin "Çətin sual" proqramına şərh edən siyasi şərhçi Əhməd Əlili bildirib ki, bu proses Yerevanın səylərilə texniki məsələdən siyasi sövdələşmə obyektinə çevrilir.
Problem Azərbaycanın Kəlbəcər rayonunda yerləşən Zod filiz yatağı ərazisində azərbaycanlı sərhədçilərlə ermənilərin toqquşmasından sonra kəskinləşib.
Daha sonra münaqişə mayın ortalarında baş verib və Yerevan azərbaycanlı hərbçiləri Ermənistanın Sünik və Geqarkunik vilayətlərinin ərazisinə keçməkdə ittiham edib. Əslində, azərbaycanlı sərhədçilər yalnız dislokasiyanı dəyişiblər, Laçın və Kəlbəcər rayonları hüdudlarında qalıblar.
Bu gün demək olar ki, 10 may bəyanatının bütün bəndləri yerinə yetirilir, bir neçə bənddən başqa. Belə ki, erməni qoşunların Qarabağdan çıxarılması başa çatdırılmayıb və Zəngəzur nəqliyyat dəhlizinin tikintisi ilə bağlı bənd yerinə yetirilmir.
Bu fonda Azərbaycan öz sərhədlərinin Ermənistan tərəfindən tanınmasını tələb edir. Buna görə də sərhədlərin demarkasiyası məsələləri ön plana çıxır ki, bu da Azərbaycanın ərazi bütövlüyünün və suverenliyinin tanınması və Ermənistanın Qarabağa iddialarından imtina etməsi deməkdir.
Ermənistan buna hər vəchlə mane olmağa çalışır, lakin Azərbaycan-Rusiya münasibətləri amili qüvvəyə minir. Bəzi hallarda Rusiya Ermənistanı bəyanatın şərtlərini yerinə yetirməyə məcbur edir, çünki Moskva Zəngəzur vasitəsilə Ermənistanla nəqliyyat əlaqəsinin bərpasında maraqlıdır və Ermənistana təzyiq göstərəcək. Təsadüfi deyil ki, son zamanlar Yerevan tez-tez Rusiyaya deyil, Qərbə üz tutur.
Hər halda, Ermənistan Azərbaycan prezidentinin sülh sazişi bağlamaq çağırışına indiyə qədər cavab verməyib. Bu, onu göstərir ki, Ermənistan sülh danışıqlarına hazır deyil və Azərbaycanın tələblərinin yumşalması ümidilə prosesi uzatmağa çalışır.-0-
-
- Analitika
- 4 İyun 2021 09:47
Çətin sual
-
Milli Məclisin Xarici müdaxilələrə və hibrid təhdidlərə qarşı müvəqqəti komissiyası yaradılıb.
-
Britaniyalı siyasi analitik Tomas de Vaal "Çətin sual" proqramına verdiyi müsahibədə sülh sazişi ətrafında gedən danışıqlar prosesindəki çətinliklərdən bəhs edərək, Azərbaycanın Ermənistan Konstitusiyasından Azərbaycan ərazilərinə olan iddiaların çıxarılması tələbinə toxunub.
-
İran İsrailə raket zərbələri endirib. İsrail Müdafiə Qüvvələri oktyabrın 1-də ölkə sakinlərini "sayıq olmağa və komandanlığın göstərişlərinə ciddi əməl etməyə" çağırıb.
-
“Hizbullah” lideri Şeyx Həsən Nəsrullahın qətli regionda, xüsusilə də İranda dərin şok effekti yaradıb və İran rəsmiləri sürətli və sərt cavab verəcəklərini bildiriblər. Hadisə İran daxilində geniş qınamalara və təhlükəsizlik tədbirlərinin gücləndirilməsinə səbəb olub, bu da İranla İsrail arasında münaqişənin potensial olaraq daha da kəskinləşməsi ilə bağlı narahatlıqlar yaradır. Belə mühüm bir şəxsiyyətin, Nəsrullahın, aradan götürülməsi İranda xarici siyasət kursuna və ölkənin regional münaqişələrdə iştirakı ilə bağlı müzakirələrə səbəb olub.
Rəy yaz