Bakı/24.05.21/Turan: Vətəndaşların ayrı-ayrı idarələr önündə aksiyalar keçirməklə özlərini ifadə etmək istəmələri hakimiyyətin ölkədə hüququ və demokratik prinsipləri qorumamasının göstəricisidir.
“Müdafiə Xətti” İnsan Haqları İctimai Birliyinin təsisçilərindən Rüfət Səfərov bunu Turan-ın “Çətin sual” proqramının mayın 24-də efirə getmiş
“Qarşısı alınan şikayətlər, etirazlar” mövzusuna dair buraxılışında bildirib.
Bu gün, mayın 24-ü səhər “Gəncə məhbusları” anaları Prezident Administrasiyası önünə toplaşmaq istəyiblər. Onlar həbsdə olan övladlarına azadlıq tələb etmək istəyiblər. Amma istəklərinə nail ola bilməyiblər, polis onların Prezident Administrasiyası önünə toplaşmalarına imkan verməyib. Şikayətçilər avtobusa mindirilərək aparılıblar.
Vətəndaşla belə davranışın səbəblərinə gəlincə hüquq müdafiəçisi bunu sərbəst toplaşmaq hüququnun reallaşıdırılmasna imkan verilməməsi hesab edir.
O, deyir ki, sərbəst toplaşmaq azadlığı insan azadlığının əsas təməl prindiprlərindən biridir.
Səfərov əlavə edir ki, bu hüquq həm Azərbaycan qanunvriciliyində, həm də hüquq və insan azadlıqları ilə bağlı beynəlxalq konvensiyalarda əksini tapır.
“Özü də sərbəst toplaşmaq azadlığı təkcə siyasi mahiyyətli deyil, bunun sosial, itisadi tərəfləri də var”.
Hüquq müdafiəçisi buna nümunə kimi Bakının “sovetski” məhəlləsinin
bəzi sakinlərinin hələ də kompensasiya ala bilməməsilə bağlı Yasamal rayon icra hakimiyyəti önündə keçirdikləri aksiyaları yada salır.
Onun fikrincə, “Gəncə məhbusları” valdeynlərinin bu günkü aksiyası vətəndaşın ölkədə hüquqa və məhkəmələrə etibarının olmamasını göstərir: Bu valideynlər övladlarına azadlıq istəyirlər, belə hesab edirlər ki, övladları əsassız həbs olunublar, işlərinə ədalətlə baxılmayıb.
Sərbəst toplaşma hüququnun gerçəkləşməməsinə gəlincə, hüquq müdafiəçisi bunu hakimiyyətin uğurlu siyasət aparmasına daxili inamının olmaması ilə
əlaqələndirir. O, 2020-ci il iyulun 14-15-də “Qarabağa və Orduya dəstək şüarı altında keçirilmiş aksiyanı yada salır. Hüquq müdafiəçisinə görə, aksiyanın sonunda insanların həbsi həmin inamsızlığın nəticəsi idi: “Bu da onu göstərir ki, ölkədə hüquq işləmir, hətta hakimiyyətin siyasətinə adekvat cavab verən aksiya belə hüquqi baxımdan qorunmur”.
O, əlavə edir ki, media azadlığı və s. kimi göstəricilərdə beynəlxalq reytinlqərdə Azərbaycanın göstəriciləri çox aşağıdır və hakimiyyət demokratik imici barədə düşünməlidir. Səfərov deyir ki, hakimiyyət insanların sərbəst toplaşamasını özünə qarşı addım kimi görür, əslində isə insanlar öz problemlərini
qaldırırlar.
Onun deməsinə görə, “Müdafiə xətti” İnsan Haqları İctimai Birliyi Azərbaycanda insan haqlarının durumu ilə bağlı aylıq monitorinqlər aparır, qarşıda bu haqlarla bağlı həftəlik monitorinqlər aparılmasını nəzərdə tuturlar.-05D-
Çətin sual
-
Keçmiş diplomat, siyasi şərhçi Nahid Cəfərov Azərbaycanın xarici siyasəti barədə Kamran Mahmudovun təqdimatında yayımlanan “Çətin sual” verilişində danışır.
-
Qərbi Azərbaycan mövzusu son günlər həm Azərbaycan, həm də Ermənistan rəsmiləri tərəfindən tez-tez gündəmə gətirilir.
-
7 yanvar tarixində yayımlanan müsahibəsində Azərbaycan Prezidenti İlham Əliyev Qərbi, xüsusilə ABŞ, Fransa və Avropa İttifaqını kəskin tənqid edib. Bu tənqidlərin konkret kimlərə ünvanlandığı və geniş mənası haqqında siyasi analitik və Mərkəzi Asiya üzrə ekspert Arkadi Dubnov “Çətin sual” proqramında danışıb.
-
Azərbaycan qış mövsümünə qədəm qoyarkən, tənəffüs yolları xəstəliklərinin yayılması ilə bağlı narahatlıqlar artır. Xüsusilə insan metapnevmovirusu (HMPV) bu spekulyasiyaların mərkəzindədir. İlk dəfə Çində aşkarlanan və 2024-cü ilin sonlarında Qazaxıstan və Rusiyada qeydə alınan HMPV hazırda Azərbaycanda diqqət mərkəzindədir. Səhiyyə Nazirliyi virusla bağlı məlumatlandırma kampaniyalarını təsdiqləsə də, onun ölkədə yayılma dərəcəsi və şiddəti barədə suallar qalmaqdadır.
Rəy yaz