Paşinyan İlham Əliyevlə görüşmək istəyib
Bakı/13.08.21/Turan: Ermənistanın baş naziri Nikol Paşinyan avqustun 12-də hökumətin iclasında bildirib ki, Azərbaycan prezidenti İlham Əliyevlə görüşüb Qarabağla bağlı danışıqlar aparmağa hazırdır. O deyib ki, ATƏT-in Minsk Qrupundan konkret təkliflər gözləyir.
"Ermənistan təcavüz üçün yox, təcavüzdən qorunmaq üçün Silahlı Qüvvələrdə islahat elan edib", - Paşinyan bildirib. “Yerevan regional kommunikasiyaların açılması üzrə Ermənistan, Rusiya və Azərbaycan baş nazir müavinlərinin üçtərəfli komissiyasının işini bərpa etməyə hazırdır", - o deyib.
REAL Partiyasının sədri İlqar Məmmədov "Çətin sual" proqramında Qarabağdakı vəziyyətlə bağlı fikirlərini bölüşüb.
Məmmədovun sözlərinə görə, diplomatik proses video və fotokameraların obyektivləri altında getmir. Buna görə də biz hər hansı fərziyyə irəli sürmək üçün kifayət qədər məlumata malik deyilik.
“Məsələ bundadır ki, diplomatik praktikaya görə, bu cür informasiya əvvəlcədən diplomatik kanallarla ünvan sahibinə çatdırılır ki, onun reaksiyası aydınlaşdırılsın. Əgər bu edilibsə və reaksiya mənfi olmayıbsa, güman etmək olar ki, Azərbaycan prezidenti İlham Əliyev ilə Ermənistanın baş naziri Nikol Paşinyan arasında görüş mümkündür.
Əgər danışıqlar barədə təkliflər diplomatik kanalla daxil olmayıbsa, bu o deməkdir ki, Paşinyanın bəyanatı daxili tələbat üçün PR məqsədilə və yaxud geosiyasi vəziyyətə təsir etmək üçün verilib. Buna görə də belə görüşün mümkünlüyü barədə mülahizə yürütmək çətindir", - o ehtimal edir.
Məmmədovun fikrincə, Azərbaycan Xarici İşlər Nazirliyinin bəyanatla çıxış etməsi pis olmazdı. Bu bəyanatda Ermənistan Xarici İşlər Nazirliyinin nümayəndələri ilə ilkin məsləhətləşmələrin olub-olmaması yer almalıdır.
"Əgər “olub”sa, bu məsləhətləşmələrdə hansı məsələlərə toxunulub? O zaman Paşinyanın nəyə nail olmağa can atdığı – predmetli danışıqlar aparmaq, yaxud PR, yaxud da ki, bu ritorikanın köməyilə Ermənistanın düşdüyü geosiyasi, geoiqtisadi, hərbi vəziyyəti rahatlatmaq cəhdi, yəni sadəcə, demaqoqiya - aydın olardı.
Əgər məlum olsa ki, Paşinyan səmimidir və real olaraq predmet danışıqlara nail olmaq istəyir, o zaman ilk mövzu bu danışıqların heç kimin vasitəçiliyi olmadan keçirilməsi ola bilərdi.
Məmmədovun fikrincə, digər mühüm məsələ danışıqların mövzusudur. "Göründüyü kimi, Paşinyan bəyanatında ATƏT-in Minsk Qrupunun adını çəkib. Deməli, Qarabağın statusundan danışmaq niyyətindədir. Lakin Azərbaycan tərəfi hesab edir ki, bu məsələ qapanıb və çətin ki onun müzakirəsinə razılıq versin", - İlqar Məmmədov deyib.—0—
Çətin sual
-
Gürcüstan parlamenti mayın 14-də “Xarici təsirin şəffaflığı haqqında” qanun layihəsini üçüncü oxunuşda qəbul etdi. Amma buna baxmayaraq Gürcüstanda etirazlar səngimir. Yüzlərlə etirazçı parlament binasının önünə toplaşaraq qanunun qəbuluna yox deyir.
-
Rəsmi xəbərlərə görə, Azərbaycanda illik inflyasiya 1 %-dən aşağı enib. Bu ilin yanvar-aprel aylarında istehlak qiymətləri indeksi 2023-cü ilin eyni dövrü ilə müqayisədə 100,7 %, o cümlədən qida məhsulları, içkilər və tütün məmulatları üzrə 99,3 %, qeyri-qida məhsulları üzrə 101,3 %, əhaliyə göstərilmiş ödənişli xidmətlər üzrə 102,4 % təşkil edib. Dövlət Statistika Komitəsinn yaydığı məlumatda belə göstərilir.
-
Son həftələrdə Ermənistan Azərbaycanla Ermənistan arasında sərhədin demarkasiyası və delimitasiyası prosesindən qaynaqlanan etiraz dalğasının şahidi olub. Ermənistan Avropa Partiyasının sədri Tiqran Xzmalyan "Çətin sual" proqramında bu problemləri işıqlandırıb, iğtişaşları mövcud hakimiyyətdən kütləvi narazılıq ilə izah edib.
-
Mayın 10-11-də Almatı şəhərində Azərbaycan və Ermənistanın xarici işlər nazirləri Ceyhun Bayramov və Ararat Mirzoyan arasında danışıqlar aparılıb. Şənbə günü Azərbaycan Xarici İşlər Nazirliyi bildirib ki, nazirlər delimitasiya üzrə irəliləyişi və bununla bağlı əldə edilmiş razılaşmaları alqışlayıblar. Nazirlər və onların nümayəndə heyətləri “Azərbaycan və Ermənistan arasında sülhün və dövlətlərarası münasibətlərin təsis edilməsi haqqında ikitərəfli saziş” layihəsinin müddəalarının müzakirəsini davam etdiriblər. Tərəflər hələ də fikir ayrılıqlarının mövcud olduğu açıq qalan məsələlər üzrə danışıqları davam etdirməyə razılaşıblar.
Rəy yaz