Paşinyan niyə Putinin imzası olan sənədi imzalamaqdan imtina etdi? - Əhməd Əlili Çətin sual qarşısında
Bakı/24.11.22/Turan: Ermənistanın baş naziri Paşinyan KTMT-nin noyabrın 23-də Yerevanda keçirilən sammitinin yekunu üzrə bəyannaməni imzalamaqdan imtina edib. O, bunu sənəddə Azərbaycanın Ermənistanın ərazi bütövlüyünə qarşı “təcavüz”ünün siyasi qiymətləndirilməsinin olmaması ilə izah edib.
Sammitdə Rusiya prezidenti Vladimir Putin deyib ki, hərtərəfli Ermənistan-Azərbaycan nizamlanması KTMT-yə üzv ölkələrin diqqətini tələb edir.
“Biz Azərbaycan, Ermənistan və Rusiya Federasiyası liderlərinin oktyabrın sonunda Soçidə keçirilən sammitini müsbət qiymətləndiririk. Baş tutan danışıqlar fundamental məsələlər üzrə gələcək kompromislər üçün yaxşı zəmin yaradıb”, - deyə Putin bildirib.
Maraqlıdır ki, Putin ondan əvvəl çıxış edən Nikol Paşinyanın ittihamlarına heç bir reaksiya verməyib. Belə ki, Ermənistanın baş naziri çıxışında da faktiki olaraq KTMT-ni fəaliyyətsizlikdə və Ermənistanı “Azərbaycanın təcavüzündən” qorumaqdan imtina etməkdə ittiham etmişdi.
KTMT-nin sammitində baş verənlərlə bağlı siyasi analitik Əhməd Əlili Kamran Mahmudovun təqdimatında yayımlanan “Çətin sual” verilişində danışır.
Çətin sual
-
Bu gün ABŞ-də prezident seçkiləri keçirilir. Prezidentlik uğrunda hazırkı vitse-prezident Kamala Harris və keçmiş prezident Donald Tramp mübarizə aparır. İyulun 21-də Demokrat Partiyasının 2024-cü il ABŞ prezidentliyinə namizədi, hazırki prezident Co Bayden yarışdan geri çəkiləcəyini və vitse-prezident Kamala Harrisin namizədliyini dəstəkləyəcəyini açıqladı. Donald Tramp isə bu seçkidə respublikaçıları təmsil edir.
-
Seçki Məcəlləsinə görə, bələdiyyələrin səlahiyyət müddəti 5 ildir, bu ilin dekabr ayının 23-də Azərbaycanda bələdiyyələrin səlahiyyət müddəti başa çatacaq. Səsvermə Mərkəzi Seçki Komissiyası (MSK) tərəfindən seçkilərə 60 gün qalmış elan edilməlidir. Ancaq artıq seçkilərə 52 gün qalsa da, Mərkəz Seçki Komissiyası (MSK) hər hansı açıqlama yaymayıb.
-
Son günlər xarici iqtisadi fəaliyyətlə məşğul olan bəzi sahibkarlıq subyektləri tərəfindən müvafiq valyutada olan pul vəsaitləri Azərbaycana qaytarılmadığına görə bir neçə cinayət işləri başlayıb.
-
Gürcüstan Prokurorluğu parlament seçkilərində saxtakarlıq iddiası ilə bağlı araşdırmaya başlayıb. Araşdırmalara əsasən, oktyabrın 31-də Prezident Salome Zurabişvilinin də ifadə verməyə çağırıldığı bildirilir.
Rəy yaz