“Statusu kim və hansı qüvvə ilə müzakirə edəcək?”

Bakı/10.05.21/Turan:  “Əgər 44 günlük İkinci Qarabağ müharibəsində qalib Azərbaycan tərəfdirsə və Qarabağın statusu məsələsini gündəlikdən çıxarıbsa, o zaman bunu hansı qüvvə və kimlə müzakirə edəcəklər?. Odur ki, indi əsas məsələ Qarabağ bölgəsində yenidənqurma işlərini tam sürətləndirməkdir”.

Turanın “Çətin Sual” proqramının  mayın 10-da efirə getmiş buraxılışnda konfliktoloq Əvəz Həsənov bunu  Ruisya xarici işlr naziri Sergey Lavrovun mayın 10-11-də Azərbaycana səfərilə bağlı bildirib.

Bütünlükdə səfərə toxunan  Ə.Həsənov deyir ki, bu il mayın5-6-da S.Lavrovun Ermənistana səfərində Azərbaycanda saxlanılan erməni hərbçilər və “Mehri dəhlizi” məsələsi əsas müzakirə obyekti olub. Bundan iərli gələrək konfliktoloqa görə, Bakıda da əsas müzakirə obyekti yəqin ki, Azərbaycanda saxlanılan erməni hərbçilər və “Mehri dəhlizi” məsələsi olacaq.

Ə.Həsənov deyir ki, bu səfərlə Rusiya tərəf həm də Paşinyanın hakimiyyətə gəlməsi məsələsinə mövqeyini də qətiləşdirmək istəyir.   

ATƏT-in Minsk qrupunun yenidən Qarabağ məsələsində sükan arxasına keçmək istəməsinə gəlincə Ə.Həsənov 44 günlük İkinci Qarabağ müharibəsində qrupun özünü apardığı  qeyri-adekvat davranışa görə, bunu qeyri-mümkün sayır. 

Amma Ə.Həsənov deyir ki, postkonflikt dövrünün özünün qaydaları var, qrup buna uyğun hərəkət edə bilər. Konfliktoloq deyir ki, minalardantəmizləmə, kommunikasiyaların açılması, müharibədən əziyyət çəkən insanların müalicəsi və s. həyata keçirilə bilər. “Amma konkret olaraq Qarabağın “stastus” məsələsinə gəlincə Azərbaycan qalib tərəf olaraq bunu danışıqlar masasından çıxarıb. O zaman belə sual yaranır ki. bu halda bu məsələni hansı qüvvələr və kimlərlə müzakirə edəcək?” deyə söyləyib.

Amma konfliktoloqa görə, indiki halda Rusiyanın məsələnin həllində məsuliyyəti təkbaşına öz üzərinə götürmək istəmədəyi aydın görünür, Fransa prezidenti Makronun və Rusiya prezidenti Putinin Qarabağla bağlı sülh təşəbbüslərilə çıxış edəcəkləri də buna işarədir.

Ə.Həsənova görə, indiki halda Azərbaycan bütün gücü ilə Qarabağ bölgəsində yenidənqurma prosesini sürətləndirməli, diqqəti ora yönəltməli, mövqelərini daha da möhkəmləndirməli, bütün tərəflərə son sözü özünün deyəcəyini başa salmalıdır.   

Konfliktoloqa görə, hazırda Azərbaycan qazandığı üstünlüyünü qoruyur, mayın 9-da Şuşada keçirilmiş hərbi parad da bunu sübut edir.

İndiki halda Qarabağla bağlı hansı addımların atılmasına gəlincə Ə.Həsənov hesab edir ki, Azərbaycan bölgədə gördüyü yenqidənqurma işlərini sürətləndirməli, bölgənin gələcək inkişafının məhz ondan asılı olduğunu nümayiş etdirməlidir.-05B-