Sülhə maneə yaradan ancaq Ermənistanın Konstitusiyasıdır?- Zərdüşt Əlizadə Çətin sualda
Ermənistanla Azərbaycan arasında sülh müqaviləsi imzalamamışdan əvvəl kommunikasiyaların açılması və sərhədin delimitasiyası tamamilə mümkündür.
Bunu Ermənistanın Baş naziri Nikol Paşinyan iyunun 12-də parlamentdə yerli jurnalistlərə bildirib.
“Praktik addımlarla real sülh yaratmaq, sonra isə sadəcə saziş imzalamaq olduqca mümkündür, lakin istənilən halda sülh müqaviləsi imzalanmalıdır”, – Paşinyan belə deyib.
Baş nazir sülh müqaviləsi layihəsinin mövcud mətnini olduqca yetkin saysa da, düzəlişlərin mümkünlüyünü də əlavə edib.
Ancaq o vurğulayıb ki, rəsmi Bakının sülh müqaviləsini Konstitusiyaya dəyişikliklərlə əlaqələndirmək cəhdi prosesə zərbədir.
İyunun 11-də Azərbaycanın xarici işlər naziri Ceyhun Bayramov almaniyalı həmkarı Annalena Berbokla görüşdə demişdi ki, sülh sazişinin imzalanmasına Ermənistan Konstitusiyasında Azərbaycanın ərazi bütövlüyünə qarşı iddia mane olur.
İyunun 6-da Azərbaycanın dövlət başçısı İlham Əliyev də Türkdilli Dövlətlərin Parlament Assambleyasının (TÜRKPA) nümayəndə heyəti ilə görüşdə Yerevanla sülh sazişinə toxunaraq demişdi ki, Ermənistanın hazırkı Konstitusiyası dəyişməz qaldığı halda sülh sazişinin bağlanması, sadəcə, mümkün deyil.
Ondan bir gün sonra Ermənistan Xarici İşlər Nazirliyi bəyanat yayaraq heç bir qonşusuna, o cümlədən Azərbaycana ərazi iddiasının olmadığını bildirib.
Siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində bu barədə danışır.
Rəy yaz
-
- Siyasət
- 13 İyun 2024 22:13
Çətin sual
-
Çərşənbə günü Türk Hava və Kosmik Sənaye şirkətinin (TUSAŞ) Ankaradakı Kahramankazan bölgəsindəki binasına hücum edilib.
-
Maliyyə Nazirliyi 2024-cü ilin yanvar-sentyabr ayları üzrə icmal və dövlət büdcələrinin icrasına (operativ) dair məlumat yayıb. Məlumatda azad olunmuş ərazilərin bərpası üçün xərclənən vəsaitin də məbləği açıqlanıb.
-
İran İslam Respublikasının Prezidenti Məsud Pezeşkian Azərbaycan səfirliyinə hücum məsələsini sona çatdıracağını vəd edib. Bu barədə oktyabrın 14-də Məsud Pezeşkian Azərbaycanın Baş nazirinin müavini Şahin Mustafayev ilə görüşdə bildirib.
-
2025-ci ilin yanvarın 1-dən Rusiya sərhədçiləri Ermənistan və İran sərhədindəki keçid məntəqəsində xidmətini dayandıracaq. Bu barədə Rusiyanın Prezidenti Vladimir Putin və Ermənistanın Baş naziri Nikol Paşinyan Moskva görüşündə razılığa gəliblər.
1 rəy
Antimoskva
2024-06-14
... Necə yəni Ermənistan konstitusiyasında nə yazılır yazılsın? Bəs 30 il sonra İrəvan güclənib ana yasasına və xarici qüvvələrə arxalanaraq Qarabağı qanunlarına uyğun yenə işğal eləsə? O vaxtadək Azərbaycanın da neft-qazı tükənər. Vəssalam! Azərbaycan ermənilərə "mız" qoymur, haqlı tələblər irəli sürür ki, onların beynində heç bir revanşa əsas və istək qalmasın.