Ən axırıncı ssenarimi?

Türkiyə iqtidarının qeydsiz-şərtsiz dəstəkçisi yenə və yenidən mübahisəli bir məsələ ortaya atdı: FETÖ-nün əsas ideoloqlarından biri olan professor Mümtaz”er Türköne məhkəməyə çıxarılıb “ədalətli şəkildə” mühakimə edilməli,sərbəst buraxılmalıymış.

15 iyul 2016-cı ildəki çevriliş cəhdindən bir neçə ay sonra həbs edilən Türköneyə 10 il cəza verilib. Bahçəlinin təklifinin əsas motivi Türkönenin “bir şəhidin böyük qardaşı” olmasıymış (Cinayət Məcəlləsində belə bir maddə görə bilmədim). Hökumətin qeydsiz-şərtsiz dəstəkçisi iqtidarın böyük ortağının sən dərəcə həssas olub güzəştə getmədiyi bir məsələdə bir neçə cinahı birdən çaşbaş salan təkliflə çıxış edir ki, onları bu şəkildə sıralaya bilərik:1) Mümtaz”er Türköne FETÖ-nün bütün sahələrdəki əsas ideoloqlarından biriydi.

FETÖ-nün qəzetində gündəlik köşəsi vardı, təkcə FETÖ-nün kanalında yox, Allahın verdiyi hər gün iqtidara yaxın digər kanallarda da çıxış edərək ətrafa qorxu salmaqla qalmayıb, “türk ordusunun ləğvi”ndən, PKK terror təşkilatının ömür boyu həbsə məhkum edilmiş başçısına “general” rütbəsi verilməsindən dəm vururdu.

”Hamama girən tərləyəcəkdi” və hərbi çevrilişə cəhd etmiş bir təşkilatın əsas ideoloqunun 10 il həbs cəzasına məhkum edilməsi əslində məhkəmələrin mərhəmətindən xəbər verir.

Elə isə Dövlət Bahçəli bu adamın yenidən mühakimə və böyük ehtimalla azad edilməsini nəyə əsaslanaraq təklif edir? 2) 15 iyul hərbi çevriliş cəhdinə müqavimət göstərən 250 insan həyatını itirdi.Onların arasında 20 il Tayyip Ərdoğanın və AKP-nin reklam işləriylə məşğul olub uğurlar qazandırmış Erol Olçok, 14 yaşlı oğlu Abdullah Tayyip Olçok, cənab Ərdoğana çox yaxın olan professor İlhan Varank (qardaşı Mustafa Varank nazirdir) da var.

Dövlət Bahçəli hansı mənafe uğrunda ictimaiyyətin göstərəcəyi sərt reaksiyanı bir tərəfə qoyaraq FETÖ-nün baş ideoloqunun həbsdən azad edilməsini gündəmə gətirir? AKP lideri və prezident Ərdoğan buna mənfi reaksiya versə, bu ikilini “Millət ittifaqı”nda birləşdirən ipin qırıla biləcəyini heç hesaba qatmırmı?

Şübhəsiz ki, Dövlət Bahçəli kimi 23 ildən bəri partiyasının başından heç kimin ayıra bilmədiyi “qurd” bir siyasətçi bunu yaxşı bilir. Elə isə bu qədər riskli bir təşəbbüslə niyə çıxış edir?

Bunun birinci səbəbi son aylarda aparılan bütün ictimai rəy sorğularının Bahçəlinin MHP-sinin reytinqini (təxminən 8%) bu gün məclisdə təmsil edilən partiyalar arasında ən axırıncı sırada göstərməsidir.

Bahçəli “1970-ci illərin milliyyətçilərini geri qaytarmaq naminə” bu qədər riskli təşəbbüsü edir, reytinqi yüksəltmək üçün başqa yol görmür. İkinci səbəbi isə 15 iyul 2016-cı ildəki hərbçi çevriliş cəhdində əlinə silah alaraq iştirak etməmiş FETÖ-çülərin müxtəlif adlar altında həbsdən azad etdirilməsi təşəbbüsü ola bilər.

Dövlət Bahçəli bu təşəbbüsü dövlət başçısının razılığı və icazəsi olmadan edə bilərmi? Mümkün deyil. Bəs “Millət ittifaqı”nın ortaqlarının birlikdə belə bir təşəbbüs etməsi mümkündürmü? Əlbəttə ki, mümkündür. Yadınıza salın,İstanbul bələdiyyəsinə 23 iyun 2019-cu ildə təkrar keçirilən seçki ərəfəsində terror təşkilatının ömür boyu həbsə məhkum edilmiş başçısının məktubunu dövlətin TV kanalında oxutduraraq kürdləri “müxlaiflərə səs verməməyə” çağırtdırdılar.

Buna da tam əmin olmayaraq terror təşkilatı başçısının axtarışda olan qardaşını dövlətin kürdcə yayım yapan kanalına çıxarıb eyni məzmunda açıqlama verdirdilər. Və türk milliyyətçisi Dövlət Bahçəli iqtidar partiyasının bu təşəbbüslərinə nəinki göz yumdu, əksinə,  dəstəklədi. Ona görə MHP liderinin “milliyyətçi şəhidin böyük qardaşı yenidən məhkəməyə çıxarılmalıdır” açıqlamasına ciddi yanaşmaq, dərindən analiz etmək lazımdır.Yoxsa “milliyətçi şəhidin böyük qardaşı” motivi altında FETÖ-nün ideologiya komandasına qarşı yumşalma prosesi başlayır?  Müxtəlif cinahlardan örnəklərə baxanda bunun da istisna olmadığı görünməkdədir.

Türkiyənin siyasət səhnəsi 10 ildən bəri çalxantı içindədir, heç gözlənilməyən proseslər bir-birini əvəzləyir. Səbəbi 12 sentyabr 2010-cu ildəki referendumda ölkənin prokurorluq və məhkəmə sisteminin bir təriqətə təslim edilməsidir. O “təriqət” 6 ildən sonra dövlət çevrilişinə təşəbbüs etdi...