Energetika dünyası tarazlıq gözləyir

Yaxın 20 ildə energetikada bərpa edilən enerji və qazın payı artacaq, deyə ВР-nin baş iqtisadçısı Spenser Deyl hesab edir. Kömürə tələbat azalacaq, neftə tələbat isə maınların artması ilə bağlı yüksələ bilər, ВР-nin baş iqtisadçısı Spenser Deyl Financial Times-də yazır.

Deyl neftin perpektivini birmənalı hesab etmir, amma ekspertə görə, ona tələbat qarşıdakı 20 ildə avtoparkın iki dəfə artımı ilə qarantiya alacaq.

Kömürə tələbat kəskin azalacaq, çünki əsas istehlakçı olan Çin karbohidrogen enerji daşıyıcılarından az asılı artım sxeminə keçəcək.

Yaxın on ildə enerji daşıyıcılarına tələbat artacaq. Qlobal iqtisadiyyatın genişlənməsi ilə əlaqədar iqtisadi aktivliyin artması üçün daha çox enerjiyə ehtiyac yaranır, deyə ВР nümayəndəsi qeyd edir.

Neft bazarına gəlincə, Deyl təklifin azalması fonunda tələbatın artacağını gözləyir. O, hesab edir ki, ABŞ-da şist neftinin hasilatı ötən il pik həddinə çatdı və bir il ərzində azalmağa doğru gedəcək.

Bu tendensiyalar və İran tədarükünün artması nəzərə alınsa, ilin ikinci yarısında neft bazarında tarazalıq yarana bilər, deyə Deyl yazır. Amma ehtiyatların ifrat çoxluğu qalacaq və ondan qurtulmaq üçün vaxt lazımdır. Nəticədə ilin sonu üçün bazarda trendin dəyişməsi əlaməti yarana bilər, deyə Deyl qeyd edir. –0--