Yerevan/ 31.05.16/Turan- Armİnfo: Mayın 30-da axşam general Mels Çilinqaryan və polkovniklər Armen Markaryan, Mger Papyan həbs olunublar. Bu barədə Ermənistan İstintaq Komitəsinin mətbuat katibi Sona Truzyan özünün Facebook səhifəsində yazıb.
Həbslər keyfiyyətsiz malların qəbulu və şişirdilmiş qiymətə satınalma halları ilə bağlı iki cinayət işi çərçivəsində aparılıb. Qeyd edək ki, mayın 23-də Mels Çilinqaryan Ermənistan SQ Silah İdarəsinin rəisi vəzifəsindən kənarlaşdırılıb.
Bundan öncə Ermənistan SQ Silah İdarəsi avtomobil xidmətinin rəisi, polkovnik David Abramyan həbs olunub. Ona qarşı ağır nəticələrə səbəb olan sui-istifadə ittihamı irəli sürülüb.
Qeyd edək ki, bütün bunlara aprel döyüşlərinin nəticələri səbəb olub. Belə ki, döyüşlər zamanı erməni birləşmələri yanacaq, rabitə əlaqəsi və hərbi sursatsız qalıb. -02D-
Dünyada
-
Qazaxıstanın Daxili İşlər Nazirliyi xarici turistlər üçün yeni təhlükəsizlik təşəbbüsü tətbiq edib. Sərhəd nəzarətindən keçən hər bir qonağa xüsusi QR-kodlu kart təqdim olunur ki, bu da onları çoxdilli onlayn platforma olan SafeTravel.kz saytına yönləndirir.
-
Çərşənbə axşamı ABŞ Prezidenti Donald Tramp, İsrail Baş naziri Binyamin Netanyahu ilə birgə Fələstinlilərin Qəzzadan zorakılıqdan azad bölgələrə köçürülməsini dəstəkləyən əhəmiyyətli bir bəyanat verdi. Bu açıqlama, onların ətraflı müzakirələrindən əvvəl Ağ Evin mətbuat toplantısında verildi.
-
Humanitar işçilər, diplomatlar və qanunvericilər son günlər ABŞ-ın Beynəlxalq İnkişaf Agentliyində (USAID) baş verən ciddi pozuntuların səbəbini anlamağa çalışırlar. Agentliyin veb saytı əlçatan deyil, bəzi əməkdaşlar iş sistemlərinə giriş imkanını itirib və 100-dən çox işçi inzibati məzuniyyətə göndərilib, Reuters-ə məlumat verən mənbələr bildirib.
-
Armen Sarkisyan, həmçinin Armen Qorlovski kimi tanınan şəxs, Moskvanın şimal-qərbində yerləşən elit “Alıye Parusa” yaşayış kompleksində baş verən partlayış nəticəsində ağır xəsarət alaraq reanimasiyada dünyasını dəyişib. Bu barədə hüquq-mühafizə orqanlarındakı mənbələr İnterfaksa məlumat verib.
Rəy yaz