Istanbul/17.03.23/Turan: Turan İnformasiya Agentliyi Türkiyə bürosunun məlumatına görə, İstanbul Universiteti Çapa tibb fakültəsinin xəstəxanasından xərçəng xəstələri üçün nəzərdə tutulmuş dərmanların oğurlanaraq özəl xəstəxanalarda 9-10 dəfə baha satılmasına qarşı etiraz aksiyası keçirilib. Aksiyada çıxış edən tibb fakültəsinin keçmiş işçisi Cemal Bilgin xərçəng xəstələri üçün nəzərdə tutulmuş dərmanların özəl xəstəxanalara satıldığına dair faktlar aşkarladıqlarını bildirib.
“Dekanlığa,rektorluğa,polisə və prokurorluğa müraciət edirəm:iddialarımla bağlı ifadəmi alsınlar, sənədləri onlara verim. Xərçəng xəstələri üçün nəzərdə tutulmuş dərmanları oğurlayaraq özəl xəstəxanalara satan bandalar var, onlara qarşı axıra qədər mübarizə aparacağıq”
Aksiyanın başa çatmasından sonra Turan Agentliyinə açıqlama verən Cemal Bilgin deyib:
”İllərdən bəri bu bandalara qarşı mübarizə aparıram. Hal-hazırda Türkiyədə dəbdə olan `Səhiyyə turizmi` layihəsi çərçivəsində ölkəmizə gətirilən əcnəbi vətəndaşları özəl xəstəxanalara yerləşdirəndən sonra Çapa tibb fakültəsinin xəstəxanasından oğurlanan xərçəng dərmanları əcnəbilər 9-10 dəfə baha qiymətə satılır. Xaricdən gətirilən xəstələrin arasında Türk Respublikalarının vətəndaşları da var. Bu dəhşətli hadisəyə qarşı hamını mübarizəyə dəvət edirəm”.
Cemal Bilgin dərman oğurluğu və tibb sahəsindəki digər qanunsuzluqlara qarşı mübarizəni davam etdirəcəklərini sözlərinə əlavə edib.--0--
Dünyada
-
Ermənistanda geniş müzakirələrə səbəb olan çıxışında Baş Nazir Nikol Paşinyan millətin düşüncəsi haqqında gözlənilməz bir müşahidə etdi. O, müasir ermənilərin şüuraltında öz dövlətlərindən imtina etmək arzusu daşıdığını irəli sürdü. Paşinyan parlament qarşısında çıxış edərkən, bu fikrin xalqın genetik yaddaşına həkk olunduğunu və Ermənistanın mürəkkəb tarixinin mirası olduğunu bildirdi.
-
İran hökuməti, məcburi hicab geyinməyən qadınları nəzarət altına almaq üçün Tehranda yeni psixi sağlamlıq müəssisəsi təsis edib. Bu addım, 2022-ci ildə başlayan "Qadın, Həyat, Azadlıq" etirazlarından sonra qadın müxalifətini susdurmaq üçün atılan son təşəbbüsdür.
-
BRICS ölkələri qrupu Türkiyəyə tərəfdaş ölkə statusu təklif edib, ticarət naziri Ömər Bolat bildirib, çünki Ankara şərq və qərb əlaqələrini balanslaşdırmaq üçün səylərini davam etdirir.
-
Çərşənbə günü ABŞ və Polşa rəsmiləri Polşanın şimalında NATO-nun raketdən müdafiə bazasının açılışını ediblər, bu, Polşa rəsmiləri tərəfindən qonşu Ukraynada müharibə zamanı ölkənin və NATO ittifaqının təhlükəsizliyinin təmin edilməsində mühüm addım kimi qiymətləndirilib.
Rəy yaz