Kadırov yaraqlıların qohumlarını Çeçenistandan qovmaq əmri verib

Şimali Qafqaz yaraqlılarının Çeçenistanın paytaxtı Qroznıya bu günlərdəki hücumundan sonra Çeçenistan prezidenti Ramzan Kadırov yaraqlılara qarşı amansız mövqe tutur. Bu haqda Şimali Qafqaz yaraqlılarının “Kavkazsenter” saytı yazır.

Sayta görə, R.Kadırov çeçen atalara öz uşaqlarını hakimiyyətə təhvil vermək çağırışı edib. Bundan əlavə, R.Kadırov yaraqlıların Çeçenistandakı qohumlarının qayıtmamaq şərtilə ölkədən çıxarılmasını, ev və əmlaklarının dağıdılmasını tələb edib.

“Rəsmi bəyan edirəm ki, atalar öz oğul və ya qızlarının hərəkətlərinə görə məsuliyyət daşımırlarsa, Çeçenistanda cavab verəcəklər”, - deyə R.Kadırov çeçen valideynlərə hədə-qorxu gəlib.

Xəbərə görə, R.Kadırov bununla da kifayətlənməyib, rayon rəhbərlərinə hansı rayondan yaraqlıların sırasında bir adam olarsa belə, istefaya göndərəcəyi xəbərdarlığı edib. R.Kadırov bu zaman humanizm mövqeyindən çıxış edən heç bir təşkilatın mövqeyini nəzərə belə almayacağını söyləyib. 

R.Kadırov Qroznıdakı əməliyyatı yaraqlıların mərhum başçısı Doku Umarovun qardaşı, xaricdə yaşayan Əhməd Umarovun təkil etdiyini deyib. Çeçenistan başçısı ölkədə yaraqlılar olmadığını da vurğulayıb. “Bu hücumun arxasında MKİ, Qərb, xaricilər, Ukrayna deputatları, marslılar, və ya kimin durması ehtimalı var, təkcə Çeçenistanda oaln yaraqlılardan başqa, çünki onlar Çeçenistanda sadəcə yoxdurlar”, deyə hücumun Çeçenistan daxilindəki yaraqlılar tərəfindən törədilməsi iddiasını rədd edib.

Sayt qeyd edir ki, R.Kadırov öncə yaraqlıların paytaxta qonşu regionlardan gəldiyini deyirdi. Hücuma bir neçə saat qalmış isə öz telekanalı ilə çıxış edən R.Kadırov Çeçenistanda nəinki bir yaraqlının, hətta “nəsə etmək” düşüncəsində bir kişinin belə olmadığını nəzərə çatdırıb.   

Saytın yazdığına görə, Putinlə məşvərətdən sonra Kadırov üzüyola olmayan bütün potensial  kontingenti Çeçenistandan qovmaq kimi konkret məsələyə əl atıb. -05D-