![Türkiyə Mərkəzi bankı faizləri 6.25 bal artırıb](https://turan.az/resized/750/500/resize/media/2018/main/091300013176.jpg)
Türkiyə Mərkəzi bankı faizləri 6.25 bal artırıb
Turan agentliyinin məlumatına görə, Türkiyə Mərkəzi bankı faizləri 6.25% bal artırıb.Bununla bağlı açıqlama Mərkəzi bankın Pul Siyasəti Şurasının sentyabrın 13-də keçirilən iclasından sonra verilib.Bu,Türkiyə Mərkəzi bankının iyul ayından bəri ikinci böyük faiz artımıdır.Bank təxminən 2 ay əvvəl faizləri 13 baldan 17.75 bala çıxarsa da pul və sərmayə bazarları faizləri təminedici görməmiş, nəticədə Türk lirəsi əcnəbi valyutalar qarşısında ciddi dəyər itirdiyi kimi,illik inflyasiya 20%-ə yaxınlaşmışdı.Mərkəzi bankın açıqlamasında "Pul siyasətinə dair qərarların bir müddət sonrakı nəticələrinin, maliyyə siyasətinin balanslaşdırma əməliyyatlarındakı iştirakının və inflyasiyanı gücləndirən səbəblərin yaxından izlənəcəyi" qeyd edilib.
Faizlərin 6.25% bal yüksəldilməsi Türkiyə Mərkəzi bankının ölkə prezdentindən kənar- müstəqil pul siyasəti yürütməyə çalışdığını göstərib.Uzun müddətdən bəri faizlərin aşağı səviyyədə olmasını istəyən prezident Erdoğan,faizlərin yüksək olmasının inflyasiyanı da yüksəltdiyini vurğulayır.Ancaq Mərkəzi bank prezident Erdoğanın bu yanaşmasını düzgün saymayaraq, bazardan gələn tələblərlə faizləri son 2 ayda ikinci dəfə yüksəldib.
Mərkəzi bankın Pul Siyasəti Şurasının iclasının davam etdiyi dəqiqələrdə Türkiyə Əməkçi Həmkarlar İttifaqları Konfederasiyasının toplantısında çıxış edən prezident Erdoğan, qiymətləri artıran şirkətləri nəzərdə tutaraq,"Əgər əxilik dövrü olsaydı, onların ayaqlarını falaqqaya salardılar"- deyib.Erdoğanın bu sözləri bir anda əcnəbi valyutanın məzənnəsinin yüksəlməsinə səbəb olub.
İqtisadiyyatdakı devalvasiyaçı və inflyasiyaçı meyllərin qabağını almaq üçün prezident Erdoğan həm bəzi qanunlarda dəyişiklik etdirib həm də özü bəzi fərman və sərəncamlar verib.Bu sahədəki ən radikal qərarlardan biri- 2016-cı ilin fevralında yaradılan Varlıq Fondunun rəhbərliyinin dəyişdirilərək Fondun prezidentliyinə Erdoğanın, vitse-prezidentliyinə isə Erdoğanın kürəkəni, maliyyə və xəzinə naziri Berat Albayrakın gətirilməsidir.İqtidar Türkiyənin bütün böyük dövlət şirkətlərinin daxil olduğu və 200 milyard dollar maddi gücü olan Varlıq Fondunun böyük layihələrə xaricdən kredit dəstəyi tapmaq üçün qurulduğunu bildirsə də bir çox iqtisadçı Varlıq Fondunun əslində "Borc ödəmə qurumu" kimi yaradıldığını vurğulayır.Varlıq Fondu 2.5 ildə heç bir təsirli addım ata bilməyib.
Mərkəzi bankın faizləri 6.25% artırmasına valyuta bazarı və birja müsbət reaksiya verib.Belə ki, qərarın açıqlamasından sonra İstanbul Birjasındakı dividentlər təxminən 3 min bal dəyər qazanıb,Türk lirəsi isə əcnəbi valyutalar qarşısında təxminən 4% qiymətlənib.
-
- İqtisadiyyat
- 13 Sentyabr 2018 16:26
-
- Cəmiyyət
- 13 Sentyabr 2018 17:10
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz