Prokuror Orxan Baxışlını 7 il müddətinə azadlıqdan məhrum etməyi təklif edib
Bakı/13.09.18/Turan: Bu gün Bakı Ağır Cinayətlər Məhkəməsində Azərbaycan Xalq Cəbhəsi Partiyasının gənc fəalı, böyük ölçüdə narkotik maddələrin qanunsuz dövriyyəsində ittiham olunan Orxan Baxışlının işi üzrə prosesdə dövlət ittihamçısı çıxış edib. Prokuror Baxışlını 7 il müddətinə Azadlıqdan məhrum etməyi təklif edib.
Bu barədə Turan-a fəalın anası Kəmalə Rəhimli bildirib.
O deyib ki, oğluna qarşı siyasi fəaliyyəti ilə əlaqədar uydurma ittiham irəli sürülüb.
Jurnalistlər bu dəfə də iclasa buraxılmayıblar.
Məhkəmə prosesi sentyabrın 18-də davam etdiriləcək. Növbəti iclasda vəkilin və təqsirləndirilən şəxsin özünün çıxışı gözlənilir.
Xatırladaq ki, Baxışlı mayın 6-da saxlanılıb və polis guya onun üzərindən 6 qr heroin tapıb. Fəal ittihamları təkzib edib və narkotiki onun üzərimə polisin atdığını bildirib.
Həbsindən bir neçə gün əvvəl - mayın 3-də jurnalist Elmar Hüseynovun qəbri üstündə Ümumdünya Mətbuat Gününə həsr olunmuş tədbirdə Baxışlı jurnalistin qətlində hakimiyyəti ittiham edib. Həmkarlarının fikrincə, onun həbsinə məhz bu səbəb olub. Hüquq müdafiəçiləri Baxışlını siyasi məhbus kimi tanıyıblar. -B06-
Cəmiyyət
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
-
Azərbaycanla Ermənistan delimitasiya və sərhəd təhlükəsizliyi məsələləri üzrə komissiyaların birgə fəaliyyəti haqqında Əsasnaməni avqust ayında razılaşdırıb. Sentyabrın 24-də isə Ermənistan Konstitusiya Məhkəməsi sənədin onların Konstitusiyasına uyğun olub-olmadığını müzakirə edəcəyini açıqlayıb.
-
Qarabağda təhsil alan tələbələrə “SuperSən 10GB” tarif paketindən 6 ay ərzində pulsuz istifadə etmək imkanı verilir Qarabağda ilk mobil infrastrukturu quraşdıran “Azercell Telekom” MMC bu ərazilərə qayıdan əhalini qabaqcıl kommunikasiya xidmətlərilə təmin etməyə davam edir. Lider mobil operator Qarabağda təhsil alan tələbələrə dəstək olmaq məqsədilə xüsusi kampaniya elan edir.
Rəy yaz