�Cənub� qaz dəhlizi işə salınıb

Bakı/29.05.18/Turan: Bu gün səhər "Cənub" qaz dəhlizinin (CQD) işə salınması mərasimi keçirilib. Dəhliz Azərbaycan qazının Avropaya nəqli üçün infrastrukturun yaradılmasını nəzərdə tutur.

Səngəçal terminalında CQD-nin işə salınmasını prezident İlham Əliyev həyata keçirib.

"Cənub" qaz dəhlizi layihəsi "Şahdəniz" yatağı üzrə "Mərhələ-2" layihəsi çərçivəsində hasil edilən Azərbaycan qazının Türkiyə vasitəsilə Avropaya nəqlini nəzərdə tutur. Layihə $40 mlrd.-dan çox dəyərləndirilir.

Layihənin əsas komponentləri: "Şahdəniz" layihəsi üzrə "Mərhələ-2", Cənubi Qafqaz boru kəməri magistralının Türkiyə ilə sərhəddə Bakı-Gürcüstana, sonra isə Transanadolu qaz kəməri (TANAP) ilə Türkiyənin şərq sərhəddindən qərb sərhəddinədək genişlənməsi.

TANAP artıq inşa edilib. İyunun 12-də Azərbaycan və Türkiyə prezidentlərinin iştirakı ilə onun işə salınması mərasimi keçiriləcək.

Sonra Avropadan qaz Yunanıstan, Albaniya və Adriatik dənizini birləşdirən Transadriatik qaz kəməri (TAP) ilə İtaliyanın cənubuna nəql ediləcək.

10 mlrd. kubmetr həcmində Azərbaycan qazının İtaliyaya nəqli 2020-ci ildə gözlənilir. Bundan əlavə, Türkiyənin qərb bölgəsinə 6 mlrd. kubmetr Azərbaycan qazı göndəriləcək.

"Cənub" qaz dəhlizi Xəzər regionundan qazın Rusiyadan yan keçməklə Avropaya nəqlini nəzərə tutur.

İ.Əliyev bildirib ki, bu layihədə maraqlar balansı nəzərə alınıb, istehsalçıların, tranzitçilərin və istehlakçıların maraqları tam təmin edilib.

"Biz enerji mənbələrinin diversifikasiyasını bu sözün tam mənasında təmin edirik, "Cənub" qaz dəhlizi yeni enerji arteriyasıdır", - İ.Əliyev vurğulayıb.

"Belə nəhəng layihələri bizim tərəfdaşlarımız ilə birlikdə həyata keçiririk və Avropanın energetika xəritəsini yenidən tərtib edirik", - o əlavə edib.

"Şahdəniz" layihəsinin səhmdarları: BP (operator, 28,8%), ARDNŞ (16,7%), Petronas (15.5%), LUKOYL (10%), NICO (10%) və TPAO (19%).-06B--