«Azərbaycan İnvestisiya Şirkəti» (AIC) 2013-cü ildə Bakı Gəmiqayırma Zavoduna (BGZ) $60,6 mln vəsait qoyub. Bu, şirkətin il ərzində yeganə sərmayəsidir.
İqtisadiyyat və Sənaye Nazirliyi AIC-in 2013-cü il hesabatını açıqlayıb. İnvestisiya aktivliyi iki layihədə olub. İndiyə qədər onun BGZ-yə investisiyaları $118 mln-u keçib. Bunun $40 mln-u kapitala yatırım, $78 070 000 istiqrazlardır. AIC BGZ-də 25% paya malikdir. ARDNŞ 65% və Sinqapurun “Keppel Corporation” şirkəti 10% pay sahibidir. Layihənin I mərhələsinin dəyəri 470 mln ABŞ dolları təşkil edir. Bu məbləğin 34%-i səhmdar kapitalı, 66%-i isə istiqraz buraxılışı hesabına ödənilib.
Digər inkişaf edən layihə “Səba” ASC-dir. 2013-cü ildə “Səba” ASC 4800 ha sahədə dənli bitki yetişdirilməsinə investisiya qoyub. AIC bu şirkətdə 10% pay sahibidir.
Nə İSN-də, nə də AIC-də 160 mln manat dövlət vəsaitindən ibarət investisiya portfelinin bölgüsü barədə məlumat verilmir. AIC Holcim (Azerbaijan) – 10% ООО “M-Pro” – 20%, ООО “Azertoxum” - 17,46%, ООО “Agstafa Aqrotexseris” – 25% və «Xəzər Beynəlxalq İnvestisiya Şirkəti»ndə (24,1%) paya malikdir.
2012-ci ildə AIC qəflətən iki QSC-də payçı tərkibindən çıxıb: «azərbaycan Duz İstehsalat Birliyi» və «Səngəçal terminalı». Şirkət onlarda 25% paya malik idi. Paylar mövcud səhmdarlara satılıb. Amma əqdlərin detalları açıqlanmır.
AIC hər il beynəlxalq auditdən keçir. Şirkət maliyyə hesabatını açıqlamır və yenilənməyən saytında yerləşdirmir. Ona görə aktivlərin necə idarə edildiyi, dividend olub-olmadığı bilinmir. «Azərbaycan İnvestisiya Şirkəti» QSC 2006-cı ildə qeyri-neft sektoruna dəstək üçün yaradılıb. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz