2013-cü ilin dövlət büdcəsinin icrası haqqında qanun layihəsi

 Maliyyə Nazirliyi parlament tərəfindən təsdiq edilən 2013-cü ilin dövlət büdcəsinin icrası haqqında qanun layihəsini açıqlayıb. Sənəd dövlət başçısı imzalaynadan sonra qüvvəyə minəcək.

Büdcə gəlirləri 19 mlrd 496 mln 329,92 min manat, xərclər 19 mlrd 143 mln 492,04 min manat təsdiqlənib. Profisit 352 mln 837,88 min manat olub. 1 yanvar 2014-cü il üçün xəzinədəki qalıq (960 mln 408,1 min manat) kəsirin ödənməsinə və dövlət borcuna yönəldiləcək.

Gəlirlərin əsas hissəsi (68,9% və ya 11,35 mlrd) Dövlət Neft Fondundan transfertlərdir. ƏDV 2 mlrd 709 mln 997 min 684 manat təmin edib (idxal ƏDV-i 986,08 mln). Hüquqi şəxslərin mənfəət vergisi 2 mlrd 374 mln 797,98 min manat, fiziki şəxslərin mənfəət vergisi 859 mln 678,45 min manat olub. Aksizlər 593,31 mln, gömrük rüsumu 298,25 mln, hüquqi şəxslərin əmlak vergisi 125,15 mln, yataq vergisi 121,48 mln, sadələşdirilmiş vergi 119,54 mln manat olub. Azərbaycanda istehsal edilən malların maya dəyəri ilə topdansatış qiyməti arasında fərqdən mədaxil 370,56 mln, «başqa vergilər» - 269,6 mln, dövlət rüsumu 123,56 mln, başqa mədaxil 65,26 mln manat təşkil edib.

İnvestisiya layihələrinə xərclər 6 mlrd 913 mln 798,22 min manat, «əsas istiqamətlərdən kənar xidmətlər 2 mlrd 684 mln 442,04 min manat olub. Keçmiş SSRİ Əmanət Bankının əmanətçilərinə 324 mln manat, təbii fəlakətlərdən ziyan çəkənlərə 140 mln manat xərclənib.

Sosial ödənişlər 1,75 mlrd manat olub. Bunun 1,08 mlrd-ı (61,7%) ARDNF-dən Dövlət Sosial Müdafiə Fonduna transfertlərdir. Təhsil Nazirliyinə 1 mlrd 437,72 mln, səhiyyəyə 618 mln 938,37 min manat ayrılıb.

Xarici dövlət borcunun təmin edilməsinə 728,24 mln, İcra Hakimiyyəti aparatının saxlanmasına 349,33 mln, beynəlxalq strukturlarda üzvlüyə 103,46 mln, elmə 117 mln, Naxçıvan MR-a 277,7 mln manat yönəldilib.

Müdafiə xərcləri 1 mlrd 484 mln 984,49 min manat təşkil edib.

Məhkəmə, hüquq mühafizə orqanları və prokurorluq orqanlarına 1,05 mlrd manat, mənzil-kommunal təsərrüfatına 398,32 mln, mədəniyyət, incəsənət və s. 274,88 mln manat ayrılıb.

Ötən il kənd təsərrüfatı və ekologiyaya 487,89 mln, nəqliyyat və rabitəyə 110,53 mln, iqtisadi inkişafa 275,76 mln manat, sahibkarlığın inkişafına 201,74 mln, ipoteka kreditləşməsinə 40 mln manat yönəldilib. --17D—