Bank sisteminin kredit portfelinin 85%-i Bakıda cəmləşib

Aprelin 1-i üçün Azərbaycan banklarının kredit portfelinin əsas hissəsi (84,3%) və ya 13 mlrd 440 mln 287,4 min manat Bakıda cəmləşib.

AMB-nin məlumatına əsasən, kreditlərin çoxu sahibkarlara verilib – paytaxtda verilən uzunmüddətli kreditlərin həcmi 10 mlrd 457 mln 99,3 min manat olub. Qısamüddətli, o cümlədən istehlak kreditləri 13% və ya 2 mlrd 983 mln 188,1 min manat təşkil edib.

Manatla (9 mlrd 543 mln 789,1 min manat) və xarici valyuta ilə (3 mlrd 896 mln 498,3 min manat) kreditlərdə nisbət yaxşıdır, amma faiz dərəcəsi eynidir - 13,4%.

Regionlarda 2 mlrd 500 mln 867,2 min manat kredit (+19,07%) verilib. Daha çox kredit Aran iqtisadi rayonuna verilib - 835 mln 451,2 min manat. Orta faiz dərəcəsi illik 21,4% olub. Abşeron bölgəsinə 477 mln 543,9 min manat (illik 19%), Lənkəran bölgəsinə 351 mln 311,4 min manat (illik 20,7%), Gəncə-Qazax bölgəsinə 317 mln 685,5 min manat (illik 21,2%) ayrılıb.

İqtisadçı Samir Əliyevin fikrincə, bank sektorunun regionlara etimadsızlığı istehsal gücləri, müəssisələr və ticari potensialın paytaxtda olması ilə bağlıdır. Bakıda vaxtı keçmiş kredit həcmi 724 mln 761,2 min manat və ya 5,39%-dir. Rayonlarda bu nisbət yüksəkdir. «AMB-nin faiz dərəcələri barədə rəqəmləri real deyil, - Bakıda sahibkarlar üçün dərəcə 16%, rayonlarda 20-22%-dir. Əslində əksinə olmalıdır. Region biznesmenlərinə güzəşt edilməlidir, çünki orda maliyyə iqlimi Bakıdankından pisdir», - deyə ekspert bildirir. --17D—