Aİ-98 gömrük rüsumundan azad edildiyinə və tələbatın azlığına görə ucuzlaşıb?

Aprelin 2-dən YDM-lər Aİ-98 benzininin litrini 1,5-dən 1,03 manata endirib.

Qalan benzin növlərinin qiyməti sabitdir : Aİ-92 və Aİ-80 – 0,7 manat, Aİ-95 – 0,8 manat.

Heç kəs ucuzlaşmanın səbəbini izah etmir. Yanacağın qiymətini Tarif şurası tənzimləyir. Amma Aİ-98 istisnadır, o, idxal olunur. Görünür, Nazirlər kabinetinin 1 fevral tarixli qərarı buna səbəb olub. Qərara əsasən, Aİ-95 idxalı üçün 15% gömrük rüsumu 1 iyun 2014-cü ilə kimi,  Aİ-98 üçün məhdudiyyətsiz ləğv edilib.  Aİ-98-ə zəif tələbat da rol oynaya bilərdi. Onu «premium» yanacaq kimi istifadə (UltraHighPerformnace) edirlər. 

Dövlət Statistika Komitəsinin məlumatına görə, 2013-cü ildə cəmi 179,8 ton və ya üç sistern və ya 3 min tam dolu avtomobil çəni həcmində benzin idxal edilib ki, bu da gündə 8 avtomobilin yanacaqla doldurulması deməkdir. Rəsmi statistika benzinin haradan idxal edildiyini açıqlamır. Lakin məlumdur ki, Gürcüstanda  SOCAR Petroleum Georgia" benzini Rumıniyanın RomPetrol emal zavodundan tədarük edir.

Məlumdur ki, ötən il ARDNŞ Aİ-95 və Aİ-98 benzini istehsalından imtina edib, idxalla təminat qərarı verdi.

Bir sıra ekspertlər bunu təsadüfi saymır. ARDNŞ son illər Şərqi Avropa və türkiyədə bir neçə NEZ-in səhmlərini alıb. Demək, Azərbaycan Aİ-95 və Aİ-98-i ölkəyə onun nəzarətində olan müəssisələr ixrac edəcək, ona hesabat verən şirkətlər idxal edəcək. Sıfır rüsum və rəmzi aksiz inhisarçı məmurlara əlavə mənfəət gətirəcək. -0--