Almaniya şirkətləri Azərbaycanla əməkdaşlıqda maraqlıdırlar

Azərbaycan və Almaniya arasında ticarət-iqtisadi və investisiya sahəsində əlaqələrin genişləndirilməsi üçün müqavilə-hüquq bazası və əlverişli biznes-mühit var. İnnovasiya, nəqliyyat, logistika və digər sahələrdə əlaqələrin genişləndirilməsi üçün potensial var.

Oktyabrın 22-də keçirilən Almaniya-Azərbaycan iqtisadi forumunun leytmotivi belə olub. Tədbir birgə Xarici Ticarət Palatası tərəfindən təşkil edilib.

Almaniya Reynland Pfalts fedaral torpağı ilə təmsil olunub.

İkitərəfli Xarici Ticarət Palatasının rəhbəri Florian Şreden görüşü açarkən deyib ki, hazırda Almaniyadan nou-hau və innovasiya ixracı, Azərbaycan üçün mütəxəssislərin hazırlanmasından ötrü imkanlar var.

   “Azpromo”  (Azərbaycan İxracın və İnvestisiyaların Təşviqi Fondu) rəhbəri Rüfət Məmmədov qeyd edib ki, iqtisadi münasibətlərin inkişafı üçün 90 sazişdən ibarət hüquq-müqavilə bazası yaradılıb.

  Azərbaycanda Almaniya investisiyalarının iştirakı ilə 183 şirkət fəaliyyət göstərir. Əməkdaşlıq edən şirkətlərin bir çoxunun Bakıda nümayəndəliyi yoxdur.

Ötən il iki ölkə arasında əmtəə dövriyyəsi 2,6 mlrd. dollar, bu ilin 8 ayında 1,5 mlrd. dollar təşkil edib.

Almaniya Azərbaycana 475 mln. dollar həcmində investisiya qoyub. Qeyd edək ki, 345 mln. dollar qeyri-neft sektorunun payına düşür.

R.Məmmədov azərbaycanlı biznesmenləri almaniyalı tərəfdaşları ilə əməkdaşlıq imkanlarından səmərəli istifadə etməyə çağırıb.

Sahəsi 20 min kv.m., əhalisinin sayı 4 mln. nəfər olan

Reynland Pfalts torpağının ÜDM-i 130 mlrd. dollar  (Azərbaycanın ÜDM-dən 2 dəfə çox) təşkil edir. Bu barədə Almaniya federasiyası subyektinin iqtisadiyyat naziri Yoe Veinqarden bildirib.

Regionda 200 minə yaxın kiçik və orta müəssisə fəaliyyət göstərir. Onun fikrincə, bu şirkətlərlə azərbaycanlı tərəfdaşlar arasında səmərəli iqtisadi əlaqələr qurula bilər.

Almaniya səfirliyinin daimi nümayəndəsi Eugen Şonfeld qeyd edib ki, sonuncu kvartalda bu, Azərbaycana səfər edən 6-cı nümayəndə heyətidir.

“Almaniya şirkətləri uzunmüddətli əməkdaşlıqda etibarlı tərəfdaşlardır, onlar Azərbaycan bazarında işləməkdə maraqlıdırlar”, - alman diplomat vurğulayıb.

“Azpromo” nümayəndəsi Zaur Qardaşov Azərbaycan iqtisadiyyatının imkanlarının təqdimatını keçirib. O, diqqəti qeyri-neft sektoruna – kənd təsərrüfatı, turizm, telekommunikasiya, texnopark və s. yönəldib.

Faberkabel (kabel istehsalı və satışı),   Rudetrans (qaynaq ləvazimatları istehsalı), Obel (logistikа), Hochüald (süd məhsulları istehsalı), Rhodius (mineral su və şirə istehsalı) şirkətlərinin nümayəndələri Azərbaycanda tərəfdaş tapmaqdan məmnun olacaqlarını bildiriblər.

Forum çərçivəsində almaniyalı biznesmenlərin azərbaycanlı həmkarları ilə ikitərəfli görüşləri keçirilib.—06D—