Avropa Yenidənqurma və İnkişaf Bankı Azərbaycanda investisiya portfelini genişləndirməyi nəzərdə tutur.
Yerli təmsilçilikdə Turan-a bildiriblər ki, Avropa Yenidənqurma və İnkişaf Bankının prezidenti Suma Çakrabartinin Azərbaycana 2 günlük səfəri başlayıb. AYİB prezidentinin səfər zamanı Qiymətli Kağızlar üzrə Dövlət Komitəsi və digər maliyyə qurumları ilə görüşləri nəzərdə tutulur. Səfərin sonunda mətbuat konfransı keçiriləcək. Yerli təmsilçiliyin rəhbəri Nil Makkeyn bankın siyasətindəki yeniliyi şərh edərkən deyib ki, AYİB Azərbaycanda iqtisadiyyat və kapital bazarının inkişafı üzrə işlər davam etdirəcək. Onun fikrincə, ölkənin maliyyə sektorunda dəyişikliklər var, bazarda ciddi rəqabət yaranıb, şəffaflıq və korporativ idarəetmə təcrübəsi formalaşır.
AYİB Azərbaycanda aktiv investorlardandır. Bir neçə il əvvəl Beynəlxalq Bankda səhmlərin 20%-ə iddia edirdi. Hazırda ABB-də dövlətin payı azalır. Yəqin, AYİB-in kapital bazarına marağı bununla bağlıdır. --17D—
İqtisadiyyat
-
2025-ci ilin məhsulu üçün payızlıq əkin kampaniyasını başa çatır. Dövlət Statistika Komitəsinin məlumatına görə, 1 yanvar tarixinə olan vəziyyətə əsasən, taxıl və yaşıl yem üçün payızlıq əkinlər 941,700 hektar ərazidə aparılıb.
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
Rəy yaz