![Milli Şura gənclərin dərhal azad edilməsini tələb edir](https://turan.az/resized/750/500/resize/media/2013/main/071500042556.jpg)
Milli Şura gənclərin dərhal azad edilməsini tələb edir
Demokratik Qüvvələrin Milli Şurası iyulun 14-də Milli Şuranın İcra Aparatının və Seçki Qərargahının sosial şəbəkələr üzrə xidmət rəhbəri, “Azad Gənclik” təşkilatının İdarə Heyətinin üzvü Ülvi Həsənli, eyni təşkilatın İdarə Heyətinin digər üzvü Məcid Mərcanlı və “NİDA” Vətəndaş Hərəkatı İdarə Heyətinin üzvü Kənan Qasımlının həbsini gənclərə qarşı aparılan repressiyanın tərkib hissəsi sayır. Bu barədə Milli Şuranın bəyanatında deyilir.
Sənəddə bildirilir ki, “NİDA”çı gənclərin həbsi ilə başlayan bu repressiv siyasətin davamı narahatlıq doğurur. “Ölkənin seçki prosesinə qədəm qoymağa hazırlaşdığı bir zamanda baş verən hadisələr seçkinin antidemokratik ab-havada keçəcəyinə daha bir işarədir”, - sənəddə vurğulanır.
Milli Şura gənclərin qondarma ittihamlarla həbsini hakimiyyətin cəmiyyətdə xof yaratmaq, siyasi aktivliyin qarşısını almaq cəhdi kimi dəyərləndirir. “Milli Şura Azərbaycan hakimiyyətinin siyasi opponentlərinə və müstəqil mövqedən çıxış edən gənclərə qarşı qanunsuz əməllərini pisləyir, siyasi motivlərlə həbsə atılanların dərhal azad olunmasını, siyasi təzyiqlərə son qoyulmasını tələb edir”, - bəyanatda qeyd olunur. -03D-
-
- İqtisadiyyat
- 15 İyul 2013 14:46
-
- Söz istəyirəm
- 15 İyul 2013 14:58
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz