KQB generalı çıxışında Ziya Bünyadov, Süleyman Əlyarlı, Sabir Əhməd, Adil Isgəndərov və Rəsul Rza kimi şəxsiyyətləri millətçilikdə ittiham edir
İyulun 14-də Heydər Əliyevin Azərbaycanda Kommunist hakimiyyətinin başına keçməsinin növbəti ildönümü qeyd edildi. Bu tarixin milli siyasətimiz baxımdan yaddaqalan olması heç kimdə şübhə doğurmur. Heydər Əliyev Azərbaycanda mədəni və ictimai-siyasi elitanı məhz bu tarixi hadisədən sonra məhv etməyə imkan və fürsət əldə edib. Indi sizə təqdim edəcəyimiz material Heydər Əliyevin 1971-ci ilin oktyabrında Azərbaycan Kommunist Partiyasının plenumunda etdiyi məruzədəndir. Diqqətlə fikir verin, Azərbaycanda ümummilli statusunda təqdim edilən şəxs nələri tənqid edir? Kimləri hədəfə alır və onlarda əsasən hansı səhvləri görür?
Anara “obıvatel” ittihamı
“Son vaxtlar görülmüş işləri lazımınca qiymətləndirməklə yanaşı, deməliyik ki, kütləvi məlumat və təbliğat vasitələrinin fəaliyyətini yeni vızifələr səviyyəsinə qaldırmaq üçün jurnalistlərimiz hələ çox səy, yaradıclıq təşəbbüsü və əzmi göstərməlidir. Bu sözlər xüsusən ”Təşviqatçı" jurnalına (redaktoru Ə.Məmmədov) aiddir. Jurnal qarşısına qoyulmuş vəzifələrin öhdəsindən gəlmir. Jurnalda dərc olunmuş bir çox məqalələrin ideya və ədəbi səviyyəsi aşağıdır. Bu məqalələrdə metodoloji səhvlərə, gerçəkliyin təhrifinə yol verilir.
“Azərbaycan qadını” jurnalının (redaktoru Ş.Ağayeva) səviyyəsi oxucunu qane etmir. Jurnalda qadınların istehsalatda və ictimai-siyasi həyatda iştirakının bir çox mühüm məsələlərinin işıqlandırılmasında lazımi ardıcıllıq yoxdur. Qadınlar arasında aparılan ictimai-siyasi iş, qadın şuralarının fəaliyyəti zəif işıqlandırılır.
“Qobustan” almanaxının (redaktoru Anar Rzayev) səhifələrində sağlam olmayan meyllər, obıvatel meylləri özünü göstərir. Qəzet və jurnalların redaskiyaları çox vaxt özlərini zəhmətə verib məlumatı yoxlamadıqlarına görə xoşagəlməz vəziyyətə düşür, başlıcası isə oxucunu çaşdırırlar. Buna “Vışka” və “Azərbaycan gəncləri” qəzetlərini misal gətirmək olar. Bu qəzetlər ağır müharibə illərində vətənə xəyanət etmiş, sonralar isə özlərinin “qəhrəmanlıq hünərləri” barədə rəvayətlər uydurmuş adamlar barəsində təriflə dolu materiallar dərc etmişlər.
Mətbuat orqanlarımızın səhifələrindən bəzən nalayiq məqsədlərlə istifadə edilir. “Literaturnıy Azərbaycan” jurnalı Maqsud Ibrahimbəyovun “Günlərin bir günündə” hekayəsini dərc etmişdir. Bu hekayədə müəllif namuslu rəhbər işçilərə ləkə vurmağa, ictimaiyyətimizi səfeh yerinə qoymağa cəhd etmiş, onu prinsipsiz göstərmişdir".
Hədəfdə Bayram Bayramovdur
“Kitab nəşri işinə, poliqrafiyanın və kitab ticarətinin inkişafına rəhbərlikdə ciddi nöqsanlar olduğuna görə Dövlət Mətbuat Komitəsinin rəhbərləri ciddi cəzalandırılmışlar. Dövlət Komitəsinin sədr müavinləri B.Bayramov, C.Nəsirov yoldaşlar, ”Azərnəşr"in direktoru Q.Musayev yoldaş işdən azad edilmişlər. Dövlət Mətbuat Komitəsinin rəhbəri Nəzərov yoldaşa şiddətli töhmət elan edilmişdir".
Ziya Bünyadov və Süleyman Əlyarlını saxtakarlıqda ittiham edir
“Respublikada ictimai elmlər sahəsində az əsər yazılmamışdır, lakin bu əsərlərin çoxu yetərli səviyyədə deyildir. Həmin əsərlərdə metodoloji səhvlər vardır, elmi təhlil dayazdır, fakt materialı lazımınca ümumiləşdirilməmişdir. Bəzi müəlliflər tarixi keçmişdən bəhs edərkən partiyalılıq prinsipindən kənara çıxmış, istismarçı sinfin ayrı-ayrı nümayəndələrini müəyyən mənada ideallaşdırmış, burjua filantropiyasının ictimai təbiətini düzgün izah etməmişlər. Respublika Elmlər Akademiyasının müxbir üzvü Ziya Bünyadov, professor M.Ismayılov, universitetin dossenti S.Əlyarov bir sıra tarixi faktları qiymətləndirərkən kobud səhvlərə yol vermişlər. ”Azəri" termini yanlış, qeyri-elmi əsassız izahı ilə əlaqədar olub, ideoloji əleyhdarlarımızın iddiaları ilə səsləşən çox-çox geniş yayılmış səhvlər, ancaq bu yaxında aradan qaldırılmışdır".
Rəsul Rzaya məzəmmət
“Ensklopediyanın baş redaktoru Rəsul Rza yoldaşı ciddi surətdə məzəmmət etmək lazım gəlir. O, yüksək ixtisaslı kadrları seçə bilməmiş, redaksiyanın ətrafına ən yaxşı mütəxəssisləri toplamağı bacarmamış, materialın seçilməsində prinsipsizlik göstərmişdir”.
Sabir Əhmədov sovetləri təhrif edirmiş...
“Ayrı-ayrı ədiblər həyatımızı daimi inkişaf və dəyişmə halında deyil, hərəkətsiz halda, bəzən mənəvi və əxlaqi sərvətlərin mücərrəd izahı yolu ilə təsvir edir, müasirlərimizin daxili aləmini açıb göstərmirlər. Sabir Əhmədovun ”Dünyanın arşını" romanında ciddi ideya qüsurları və səhvləri vardır. Romanda sovet gerçəkliyi təhrif edilir, kolxoz həyatında kölgəli cəhətlər axtarılır və onun nöqsanları şişirdilir".
Qara Qarayevə “səhlənkar” damğası
“Musiqi həyatımızda yaranmış vəziyyət narahatlıq doğurur. Hər şeydən əvvəl ona görə ki, çoxdan bəri yeni yaxşı opera əsərləri yaradılmır. Mahnı yaradıcılığı da geri qalır. Bəstəkarlarımızın son illərdə yaratdığı bir çox mahnılarda vətəndaşlıq motivləri, əsl coşqunluq yoxdur. Bu mahnılar üçün meşşan sentimentallığı, kədər, mətn bəsitliyi səciyyəvidir. Lakin Bəstəkarlar Ittifaqının rəhbərləri, Ittifaqın sədri Qara Qarayev yoldaş bunu bildikləri halda, vəziyyəti dəyişmək üçün əməli tədbirlər görmürlər”.
Adil İsgəndərova Partiya cəzası
“Azərbaycan kinosu bir çox illərdən bəri geri qalırdı. Azərbaycan Kommunist Partiyası Mərkəzi Komitəsi 1970-ci ilin martında kinostudiyada işlərin vəziyyətini müzakirə edərək, qərar qəbul etmişdir. Bu qərarda geriliyin səbəbləri göstərilmiş, Azərbaycan kino sənətini daha da inkişaf etdirmək sahəsində qarşıya vəzifələr qoyulmuşdur. Kinostudiyanın yaradıcılıq işlərində və istehsal fəaliyyətində yol verilmiş ciddi nöqsanlara görə Mərkəzi Komitənin bürosu kinostudiyanın direktoru Adil Isgəndərov yoldaşa və Dövlət Kinemotoqrafiya Komitəsinin sədri M.Qurbanov yoldaşa partiya cəzası vermişdir. Müəyyən irəliləyişlərə baxmayaraq, Azərbaycan Kinemotoqrafiyaçılarının iş günü tələblərilə ayaqlaşmır. Bir sıra maraqlı filmlər yaradılsa da, bəzi hallarda filmin bədii səviyyəsinin aşağı olması mühüm bir mövzunu gözdən salır. ”Mehman" filmi də məhz belə olmuşdur. “Bir cənub şəhərində” filmində isə həyatımız təhrif edilmişdir".
Dini dəfnlərlə mübarizəyə çağırış
“Ayrı-ayrı kommunistlərin bəzi rəhbər işçilərin, ziyalı nümayəndələrin dini qalıqlara qarşı mübarizə hissinin kütləşməsi bizi narahat etməyə bilməz. Ictimai vəziyyətlərinin tələb etdiyi kimi, mübarizə mövqeyi tutmaq əvəzinə, onlar dini təsisatları müdafiə yoluna qədəm qoyurlar. Əgər Elmlər Akademiyasının müxbir üzvü C.Zülfüqarlı və ya bəstəkar Musa Mirzəyev kimilər nəzir vermək üçün məscidə gediblərsə, onlar ideoloji işə necə kömək edə bilərlər? Bəzi kommunistlər məsul işçilər ziyalı nümayəndələri öz yaxın adamlarının dəfnini dini qaydada təşkil edir, belə mərasimlərdə iştirak edir, bunu ”xalq" adətlərinə ehtiram sayırlar. Bu cür “izahat” həmin kommunistlərin partiyalılıq hissini itirdiklərini göstərir. Həmin yoldaşlar əslində, ruhanilərin və cəmiyyətə zidd ünsürlərin fəaliyyətini təqdir edir, öz ömrünü çoxdan başa vurmuş dini adət və ənənələrin dirçəlməsinə kömək göstərmiş olurlar".
"Ümummilli" Milli Azadlığa qarşı
Sovet adamlarının inqilabi sayıqlığını artırmaq, ölkəmizə və digər sosialist ölkələrinə qarşı imperializmin ideoloji təxribatının ifşasını gücləndirmək lazımdır. “Milli Azadlıq Hərəkatı” və “Müasir anti-kommunizmə qarşı mübarizə” məsələləri kimi aktual problemlər üzrə SSR və Azərbaycan elmlər akademiyalarının bu yaxınlarda respublikamızın paytaxtında keçirdikləri elmi konfransın ideya düşmənlərimizə qarşı mübarizəni gücləndirmək üçün böyük əhəmiyyəti vardır".
***
Əziz oxucu gördüyünüz kimi, Heydər Əliyev hakimiyyətə gələndən sonra Azərbaycanı ən müxtəlif sahələrdə təmsil edən insanlara qarşı amansız olmuş, onları kommunist ideyalarına qarşı çıxmaqda ittiham etmiş, cəzalandırmışdır. Bu faktlar bir daha imkan verir ki, bizim hər birimiz bizə sırınan yalanlara deyil, tarixin gerçək səhifələrinə istinad edə bilək.
Seymur Həzi
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz