Bazar ertəsi Şirvan Apellyasiya Məhkəməsində Müsavat Partiyası sədrinin müşaviri Yadigar Sadıqovun apellyasiya şikaətinə baxılıb. O, iki ay müddətinə həbs olunması barədə Lənkəran məhkəməsinin 29 iyun tarixli qərarının ləğvini xahiş edib. Lakin məhkəmə şikayəti təmin etməyib və fəalı həbsdə saxlayıb.
Vəkil Xalid Bağırov Turan-a bildirib ki, şikayətə baxılarkən hakim onu zaldan çıxarıb. Hakim bunu vəkilin orderi vaxtında müstəntiqə təqdim etməməsi ilə izah edib.
Vəkil bunu kobud qanun pozuntusu kimi qiymətləndirib.
Yadigar Sadıqov iyunun 27-də Lənkəran şəhər sakini Rəşid Kərimovun şikayəti əsasında saxlanılıb. R.Kərimov bildirib ki, iyunun 25-də Y.Sadıqov onu döyüb. İş üzrə CM-in 221.3 maddəsi (silah tətbiq etməklə xuliqnlıq törətmək) üzrə ittiham olunur.
Qeyd edək ki, hadisədən iki gün əvvəl Y.Sadıqov həbs məqsədilə ona qarşı təxribat hazırlandığını jurnalistlərə bildirib. Sonradan məlum olub ki, şikayətçi əvvəllər məhkum edilmiş şəxs olub.-16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz