ABŞ-ın Azərbaycandakı səfiri Robert Sekuta İmişli rayonundakı (Bakıdan 258 kilometr cənub-qərb) iqtisadi inkişafı və görülmüş işləri müzakirə etmək üçün bu rayonun icra hakimiyyəti başçısı Vilyam Hacıyevlə görüşüb. Bu barədə ABŞ səfirliyi Twitter səhifəsində məlumat yayıb.
Məlumatda həmçinin deyilir ki, səfir Sekuta görülmüş işlər haqqında məlumat almaq üçün İmişlidə yerləşən “Azersun”un Şəkər zavoduna baş çəkib.
“Şəkər meyvə və tərəvəzdən sonra Azərbaycanın qeyri-neft sektorunda ikinci ən çox ixrac edilən mallardan biridir. ABŞ şirkətləri Azərbaycanın şəkər alıcıları sırasındadır”, deyə ABŞ səfiri qeyd edib. -03D-
İqtisadiyyat
-
Üçüncü oxunuşda qəbul edilmiş "Vergi Məcəlləsinə Dəyişikliklər Haqqında" qanun layihəsi Azərbaycanda yerli istehsal avtobuslarının satışı və bu nəqliyyat vasitələri üçün ehtiyat hissələrinin təchizatı üzrə vergi güzəştlərini nəzərdə tutur. Bu barədə İqtisadiyyat Nazirliyi yanında Vergi Xidməti məlumat verərək, hökumətin təşəbbüsünün ölkədə biznesin inkişafını dəstəkləmək və vergi yükünü azaltmaq məqsədinə xidmət etdiyini bildirib. Güzəşt 1 yanvar 2025-ci il tarixindən qüvvəyə minəcək və 8 il müddətində qüvvədə qalacaq.
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
Rəy yaz