Azərbaycan Avropaya qaz nəqlində Rusiyanın rəqibi deyil. Bu barədə Azərbaycanın energetika naziri Natiq Əliyev euractiv.com saytına müsahibəsində bildirib.
“Azərbaycan “Cənub axını” və ya “Türk axını” layihəsi ilə Cənub Şərqi Avropaya ildə 63 mlrd. kubmetr qaz ixracını planlaşdıran Rusiya ilə rəqabət aparmır. Cari planlar ondan ibarətdir ki, Azərbaycan 2020-ci ildən başlayaraq Aİ ölkələrinə hər il 10 mlrd. kubmetr qaz nəql edəcək, Bu, həcmcə Rusiya qazından xeyli azdır”, - N.Əliyev qeyd edib.
Energetika Nazirliyinin rəhbəri qeyd edib ki, Azərbaycan mühüm qaz ehtiyatlarına malikdir ki, bu, təxminən 2 trln. 650 mlrd. kubmetr civarında dəyərləndirilir.
N.Əliyev həmçinin bildirib ki, əgər Azərbaycana Yunanıstan-Bolqarıstan interkonnekorunda pay təlkif olunarsa Azərbaycan Bolqarıstana əvvəl danışıldığı kimi ildə 1 mlrd. kubmetr həcmdən çox qaz nəql edə bilər.
“Lakin bu, bizim Bolqarıstan tərəfi ilə müzakirə etdiyimiz yeganə məsələ deyil. Biz həmçinin müzakirə etdik ki, Azərbaycan qazın Bolqarıstanda saxlanması gücünün artırılmasında, həmçinin Bolqarıstanda kimya müəssisələrinin modernləşdirilməsində iştirak edə bilər”, - N.Əliyev bildirib.–0--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz