![Azərbaycan banklarının depozit ehtiyatları 10 mlrd manatı keçib](https://turan.az/resized/./turan-750-500-resize.webp)
Azərbaycan banklarının depozit ehtiyatları 10 mlrd manatı keçib
2012-ci ilin sentyabrında Azərbaycanın kredit təşkilatlarında depozit və əmanət həcmi 202,3 mln manat və ya 2% artaraq 10080,6 mln manat olub. Son 12 ayın dördündə azalma olub, bu göstərici ümumilikdə 1340 mln manat və ya 15,3% artıb.
Hesabat ayında manat və valyuta vəsaitləri artıb. Valyuta vəsaitlərinin həcmi 5520,6 mln olub, bankların ümumi depozit portfelində onların payı 54,8%-dək azalıb. Bir il əvvəl bu göstərici 58,6% idi.
Oktyabrın əvvəli üçün fiziki şəxslər banklarda 4556,3 mln manat əmanət saxlayıb. Bu, ümumi göstəricinin 45,2%-dir (bir ay əvvəl də belə idi).
Fiziki şəxslərin qısamüddətli əmanətləri 64,7 mln manat və ya 2,4% artaraq 2921,2 mln manat təşkil edib. Uzunmüddətli əmanətlər 26,1 mln manat və ya 1,6% artaraq 1609 mln manat olub.
Müddətli əmanətlər 6724,7 mln manatadək və ya ümumi göstəricinin 66,7%-dək artıb.
Tələb edilənədək əmanətlərin ümumi həcmi 3566,7 mln manata çatıb.
Azərbaycan Mərkəzi Bankının məlumatına görə, manat depozitləri və əmanətləri üzrə orta dərəcə sentyabrda 0,10 f.b. azalaraq 10,21% olub, xarici valyuta ilə əmanətlərdə 0,28 f.b. azalaraq 10,49% olub. Hesabat ayında manat depozitləri əhalidən orta hesabla illik 10,53%, valyuta depozitləri 10,82%-lə qəbul edilib. Hüquqi şəxslər üçün bu göstərici 6,97% və 4,27% olub. --15B--
-
- İqtisadiyyat
- 14 Noyabr 2012 13:44
-
- İqtisadiyyat
- 14 Noyabr 2012 13:57
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz