Azərbaycan gömrüyü kənd təsərrüfatı mallarının ixracına görə rüşvət alır

Azərbaycan gömrüyü kənd təsərrüfatı mallarının ixracına görə fermerlərdən rüşvət alır. Bu barədə Turan-a Kənd Təsərrüfatı Nazirliyində adının çəkilməsini istəməyən mənbə bildirib.  

Məmurun sözlərinə görə, gömrüyün yığdığı rüşvətin həcmi bəzən məhsulun qiymətinin 50%-i təşkil edir. Ona görə bir çox fermerlər məhsulu daxili bazarda ucuz satmalı olur. Nümunə kimi o, feyxoanı göstərib. Astara fermerləri bildirir ki, gömrükdə onlardan 30% «rüsum» tələb edirlər.

Maraqlıdır ki, iqtisadi yönlü QHT-lər bundan xəbıərsizdir. Sahibkarlığa və Bazar İqtisadiyyatına Yardım Fondunun prezidenti Sabit Bağırov və «Milli Büdcə Qrupu» QHT koalisiyasının eksperti Fuad Rəsulov Turan-a bildiriblər ki, onlarda belə məlumat yoxdur. 

Bu günlərdə parlamentdə «təzə meyvə və tərəvəz üçün rüsumsuz ixrac rejiminin tətbiqinin zəruriliyi» barədə təklif səsləndi. Deputat Yevda Abramov dedi ki, kənd təsərrüfatı yüklü avtomobillər saatlarla Rusiya ilə sərhəddə gözləyir. 

Qeyd edək ki, Azərbaycandan gömrük tarifləri 1995-ci ildə qəbul edilən «Gömrük tarifi haqqında» qanuna uyğun tənzimlənir. Bu qanuna əsasən, ixrac zamanı ixrac gömrük rüsumuna cəlb olunan malların siyahası və ixrac

rüsumlarının dərəcələri Nazirlər Kabinetinin 2001-ci il 12 aprel tarixli

80 nömrəli qərarı ilə təsdiq edilib. Ona əsasən, yalnız qara və əlvan metaldan ixrac rüsumu alınır. 

Maraqlıdır ki, bir sıra istehsalçılar və meyvə şirəsi ixrac edənlər də Azərbaycan gömrüyündə qanunsuz yığmdan şikayətçidir. 08B